Wir Fridreich von Gotes gnaden Romischer kunig, zu allen zeiten merer des reichs, herczog ze Osterreich, ze Steir, ze Kernden und ze Krain, grave ze Tirol etc. embieten unserm lieben getrewn Reinprechten von Walssee, obristen marschalhen in Osterreich und obristen drukgseczen in Steir, unserm rat und haubtman ob der Enns, unser gnad und alles gut. Wir lassen dich wissen, daz wir den ersamen geistlichen, unsern lieben andechtigen n. dem abbt und convent ze Lambach ir und irs gotshaws gnad und freyhait, so in von Romischen kaysern und kunigen und herczogen von Osterreich, unsern vordern loblicher gedechtnuss, gegeben sind, bestett haben, emphelhen wir dir ernstleich und wellen, daz du dieselben abbt und convent bey solhen irn gnaden und freyhaiten und der obberurten unsrer bestettung von unsern wegen vestiklich hanthabest, schuczest und schirmest uncz an uns und sy dawider nicht dringen noch beswern lassest in dhain weg. Das maynen wir gar ernstlich. Geben zu Lachsenburg an phincztag vor sannd Margrethen tag anno domini etc. quadragesimo tercio unsers reichs im vierden jare.

Source Fulltext: StiAL, Kopialbücher, HS 17, P. Augustin Rabensteiner OSB: Documenta monasterii Lambacensis Bd. II, ab anno 1416-1443, S. 765f, Nr. 1119