Ich Ullreich der Velnast und mein hawsfraw Elspett und all unser erben, wir bekennen an dem offen brief allen den und der brief furkumbt, hornt oder lesen sehent, daz wir chawffleich ze chawffen haben gewen dem beschaidem Steffann dem Czeidelhwber und seiner hawsfrawn Anglesen und allen iren paiden erben unsern wisflech aws unserm gutt in der Lederaw mit aller seiner zwegehorung umb ein sum gelcz, und dez wir von in gancz und gar schonn awsgericht und peczalt sein warden ze rechten tagen an all unser schaden. Und da haben wir in den obgenanten wisflech ingeantwurt aws unser nuezz und gewer in die iren nuczz und gewer mit allen den ern, rechten und nuczzen, alz er von altter herkomen ist in solicher beschaiden, daz sew uns von dem genantten wisflech alle jar jarleich davon dienen und raichen schullen uns und unsern erben sy und all ir erben ain phenning an unser lieben frawntag ze der dienstczeyt. Sew habent awch hinfur follen gewalt den genantten wisflech cze verseczzen und ze verchawffen, schaffen und awch machen und damit hanndel und tun wie sew verlust an alle unser irrung und hindernuss aller unser erben. Wir sein awch dez obgenanten wisflech und dez chawffs darauf ir richter gewer und furstant fur alle rechtleichew ansprach, wo und wenn in dez not und durft geschiecht, also solichs chawffs recht ist und dez lanndes ob der Enns recht ist. Gieng in hinfur von uns an dem chawff icht ab und daz sew dez schaden namen und den selbigen schaden allen mitsambt dem hawbtgut, schullen sew dacz uns haben und dacz unsern trewn und awf all unser hab und davon bekomen, dez selbigen schaden und daz selbig ist unser gutter wil und wart. Und dez ze urkund gewen wir in den offen brief fur uns und furr unser erben, in und allen iren erben mit meinem aygen aufgedrukchten petschafft Ullreichs dez Velnast, und dez ze pesser czewgnuss hinfur haben wir mit fleyss gepetten den ersamen und beschaiden Jorigen den Prunnmayr ze Graben, daz er awch sein petschafft czue mir auf den offen brief gedrukcht hat, iem und sein erben an schaden. Gewen do man czalt von Christi gepurde vierczechenhundert jar und darnach in dem newnunddreiskigsten jare.