Ich Hanns Meileinstorffer bekenn von des vogtrechten der dreissig phunnt phening wegen, so das erwirdig goczhaws zu Lambach meinem herren von Wallsse zu dem geslos Trettenekk jarleich schuldig ist ze raichen und geben, daz mich derselben dreissig phunnt phening der erwirdig herr herr Thaman abtt zu Lambach der virczehenhundertisten und sibenunddreissigisten jars anstat meins vorgenanten gnadigen herren von Wallsse als des egenanten goczhaws erbvogt entricht und bezalt hat, darumb ich in an desselben meins herren stat quitt und ledig sag. Mit urkund des briefs besigelt mit meinem aufgedruktem petschadt. Geben zu Lynncz an mittichen sand Linhartstag anno etc. tricesimo septimo.