Julianus miseracione divina sancte Romane ecclesie sancti Angeli dyaconus cardinalis in Germania apostolice sedis legatus, venerabili abbati et dilectis nobis in Christo monachis monasterii in Lambach, ordinis sancti Benedicti, Pataviensis diocesis, salutem in domi¬ no. Benigno sunt vobis illa concedenda favore per que sicuti pie desiderare videmini, consciencie pacem et salutem animarum Deo propicio consequi valeatis, hinc est, quod nos devotis vestris supplicacionibus inclinati, vobis auctoritate nostra tenore presencium indulgemus, ut aliquem ydoneum et diescretum presbyterum in vestrum possitis, seu quilibet vestrum possit eligere confessorem, qui vestra et cuiuslibet vestrum confessione diligenter audita pro commissis et a quibuscunque excommunicacionum, suspensionum aut interdicti sentenciis per constituciones provinciales et synodales ac statuta et ordinaciones monasterii et ordinis predictorum aut alias a iure in vos seu quemlibet vestrum generaliter promulgatis ac penis et censuris aliis, a quibus legatus de latere absolvere potest, vobis et cuilibet vestro debitam absolucionem impendat et penitenciam iniungat salutarem. Insuper prefato confessori quem duxeritis seu quilibet vestrum duxerit eligendum, auctoritate apostolica nobis in hac parte specialiter concessa committimus, ut si quam irregularitatis maculam premissis sentenciis vel penis seu aliqua premissarum sic ligati aut alias coram excommunicatis vel in locis interdictis ignoranter non tamen in contemptum clarium divina celebrando officia et alias inmiscendo vos eisdem contraxistis vel incurristis, vobisque ad tempus prout dicto vestro confessori expedire viderit a vestrorum ordinum execucione suspenso demum suffragantibus vestris meritis ac alio vobis non obstante canonico vobiscumque in domino nostro eadem auctoritate hac cice dispenset, proviso ut si quibus propter premissa ad satisfacionem aliquam teneatis, satisfacias competenter. Datum Basilee die tercia octobris anno Domini m cccc xxxiiiio indiccione xiia, pontificatus sanctissimi in Christo patris et domni nostri domni Eugenii pape quarti anno quarto.