Ich Hans der Gewman vergich fur mich und allen miterben, dy ich hab oder gewin, mit dem briefl allen, den und er furchumbt, das ich mit wolbedachtten mut recht und redleich zw der czeit und ich es mit recht wolgetain macht cze ainem rechten eribrecht zw chauffen geben hab Chunrattn zw Hintteraych, seyner hausfraw Annen und allen irren payden erben, dye si miteinader haben oder gebinnent, auf meiner hueb mit aller irer zugehorung, des nichts ausgeczogen, gelegen zw H[...] Grieschiricher pharr, das rittermesigs vreis aygen ist umb ain sum geltz, des ich von in gancz und gar verricht pin, also das sy mir, meiner hausfraw und mein erben oder gaben sew ir erben oder wer das erb nach besiczt, allen jar jarleich davon dyenen und raichen sullen zw unsser frawntag des dienstczeit funfthalben schilling [...] phening und vier diensthunr und ain schot harbs, schullen in unsser stift gen mit czwain hunr und [...] wider daraus und sullen mir und meiner hausfraw unsser bayder lebteg alle jar zw sand Andrestag [...] swein dienen fur ain halb phunt phenig, und nach unser paider tod, so sullen sy nur ain halb phunt phenig geben und daz genant swein, und zw den weynachten czwen ches fur vierundczwainkch phening [...] vier phenig, und zu den osternn czwen chas, dy auch als vil wert sein [...] und sechczikch ayr und nicht mer, und geben sy den dienst nicht zw yrem tag [...] darauf sechczikch Wiener phenig [...] und wandel [...] phenig zw wandel, darauf geben si dienst und wandel nicht in sechs wochen, so habent [...] verloren, und ist dy hub den unsser ledigs ver[...] gut und [...] mit recht noch an recht. Si sullen und mugen auch irer erib [...] wissen mit verseczen, verchawffen, verheyratten, iren genosen mit unserm willen geben wem [...] hausleich darauf sicze, und dy hueb stiftleich und peuleich innehab, und wie sich den [...] mit sacz, mit chauf, mit heyrat mit dem tod. Wer dan aufgeit, der sol geben sechczigkch Wienner [...] aufnymbt, als vil und nicht mer. Ich pin auch und mein eriben des erbrechtz [...] also eribrechts recht ist in dem land ob der Ens. Des alles zw urchund gib ich Hans [...] brief mit meinem anhangunden insigel. Der brieff ist geben an sand Wolfgankstag nach Christi geburd vierczehundert jar und in dem dreissikgsten jar.