Wir Hanns von Gotes gnaden abbt ze Lambach und auch die gancz sammung da selben veriehen und tuen chund allen den, die disen brief sehent oder lesen horent, das wir mit wolbedachtem muet und gutem willen ze rechtem eribrecht verkauft haben ein erbrecht auf unserm hoff ze Obernsmiding gelegen in Michelpeker pharr, und ist unser kaufts gut in unser oblay von Veiten dem Mulbanger und seinen eriben, und haben das erbrecht darauf ze kaufen geben Symon von Smiding, Klaran seiner hausfrawen und allen iren baider leiberben, wann sew uns darumb ein genugen getan habent. Also haben wir in den egenanten hoff mit seiner zugehorung verlihen und eingeanttwurt mit allen den eren rechten und nuczen, die davon bekomen mugen ze haws, ze hofmarich, ze holcz, ze veld, ze wismad, ze waid, nichts ausgenomen in der beschaiden, das sew uns und unserm goczhaus jarleich und alle jar dienen und raichen sullen in unser oblay ze unser frawen tag zu der dinstzeit an als verczihen an czehen pfenning schilling Wiener pfenning uns sechs huener, ze weinachten zwen chas, das yeder sechczehen pfennig wert sey, und prot fur czwelif pfenig, ze ostern zwen chas, yeden fur sechczehen pfennig, ze phingsten zwen chas, yeden fur sechzehen pfennig und ain halbs phunt ayr und unverczigen unsers goczhaus rechten in allen sachen, und offen, das sew den benanten hoff stiftleich und pewleich innen sullen haben und dhain wandlung domit haben weder mit verseczen, verkaufen, noch in ander dhainerlay weis an unser handt und guten willen, und sullen auch alles das davon leiden und dulden gen uns und unserm goczhaus, das ander unsers goczhaus erbler gen uns leident und duldent in allen sachen ungeverdleich. Des zu warer urkund besteten wir in den brief versigelten mit unsern baiden anhangunden insigeln. Geben an sand Blasy tag nach Christes geburd vierczehenhundert jar und in dem sechs und zwainczigsten jare.