Ich Veit Mulbanger und ich Margreth sein hawsfraw und all unser erbn vergehen und tun kundt mit dem offen brif, das wir mit wolbedachtem mut und gutem wilen recht und redleich ze kauffen geben haben unsern hoff mit seiner zugehorung, gelegen ze Smiding in Michelpekcher pharr, und ist rechts rittermassigs aygen und haben den ze kawffen geben den erwirdigen geistleichen herren, dem convent des gotzhaws ze Lambach umb ain sum geltts, des wir gantz von in betzalt sein, und haben in auch den benanten hoff mit seiner zugehorung eingeantwrt mit allen den ern, rechten und nutzen, die von alter und durich recht darzu gehorent, nichts ausgenomen in aller der masse, als wir in selber innegehabt und genossen haben. Wir setzen uns auch des benanten hoffs mit seiner zugehorung zu irn rechten gewern und furstandten fur all ansprach, als oft in des mit recht, not und durft geschicht, allso kawfs und des lanndesrecht ist ob der Enns. Ging in an der gewerschaft icht ab, des sew ze schaden komen, wie der schad genant wurd, nichts ausgenomen an geverd, luben wir in gar und gantz abzetragen und widerzechern, und sullen sew das alles haben zu uns, unsern trewn darzu auf aller unser hab, wo wir die haben lassen oder gewinnen nichts ausgenomen ungeverleich, davon sew dann aller ir schaden wol bekomen mugen, wie in das am pesten fugund ist, das ist unser alles gutleich will und wart. Mit urchund ditz brif versigelt mit meines obgenanten Veiten des Mulbanger aygen anhangunden insigel, und ze pesser getzewgnus haben wir mit vleizz gebeten die erbern und weis Wolfgangen den Tewrwanger, diezeit richter ze Lambach, und Jacobn den Dachsperger, das sew irew insigel an den brif gehangen habent, in und irn erbn an schaden, darunder wir uns und unser erbn verpinden mit unsern trewn alles das stat ze haben, das der gegenwrtig brif innehalt, der geben ist an sand Katreintag nach Christi geburd viertzehenhunndert jar, darnach in dem funfundzwaintzigisten jar.