Ich Hanns der Ledrer, ambtman ze Trettenekch, bekenn mit dem offenn brief, das ich von dem erwirdigen herren hern Johannsen, abbt ze Lambach, dreyssig phunt pfenning von wegen der vogtstewr emphangen und eingenomen hab gen Drettenekch, darumb sag ich benanter Hanns des Ledrer den benanten herren und abbt anstat meines genadigen herren hern Reinprecht von Waltse, haubtmann ob der Enns, quit, ledig und loss. Mit urkund gib ich dem benanten herren und abbt ze Lambach den brief versigelten mit meinem aufgedrukchten petschade. Geben nach Christi gepurd viertzehenhundert jar, darnach in dem funfundtzwainczigsten dez suntags nach sand Gorgentag dez heyligen martrer.