Ich Ullreich Istas, die zeit meins gnadigen herren von Lambach jager, vergich offenleich mit dem brif allen, den er furkumbt, das ich mit wolbedachtem mut und gutem willen recht und redleich gemacht und geben han ze rechtem leibgebing meiner eleichen hawsfrawn Palmein, Hainreichs von Churnpach saligen tochter, zehen phundt Wienner phennig auf meinem haws und hoffmarich gelegen ze Lambach im purkchfrid, zenachst niden an die hoffmull, und han ir auch das benant haws und hoffmarich eingeantwrt mit allen den ern, rechten und nutzen, die davon bekomen mugen ungeverleich in der beschaiden, ob ich mit dem tod vor meiner egenanten wiertinn abging, so sol und mag sy das benant haws und hoffmarich mit ir zugehorung ir lebtag wol unverkumert innehaben, nutzen und niessen, und nach iren tagen sol das obverschriben haws und hoffmarich gevallen dem erwirdigen gotzhaus ze Lambach. Ich obgenanter Ullreich und mein erbn sein auch des obgenanten haws und hoffmarich mit ir zugehorung meiner egenanten hawsfrawn recht gewern und furstanndt fur alle ansprach, als offt ir des mit recht, not und durft geschicht, allso soleichs gemachts, purkchrechts und des lanndes recht ist ob der Enns. Des ze urchund gib ich obgenanter Ullreich disen brif, versigelt mit des erwirdigen geistleichen, meines gnadigen herren hern Hannsen, abbt ze Lambach, des guts herr, anhangunden insigel, mit des willen und gunst die hanndlung beschechen ist, und den ich mit vleizz darumb gebeten han, im und seinem gotzhaws in allen seinen rechten jarleich und allweg unengolten und an schaden. Geben an suntag vor sand Michelstag nach Christi geburd viertzehenhunndert jar darnach in dem drewundzwaintzigisten jar.