Ich Hanns cappellan in dem spital zw Everding bekenn offennlich mit dem brief gen manikchlich, das mich der erwirdig geistleich in Got vater und herr her Hanns, abbt zw Lambach und sein conventt daselbs ausgericht, gewert und bezalt habent funff phunt Wienner phennig, der sy mir yetz zw unser lieben frawntag zder dinstzeit schulldig gewesen sind. Derselben obgenanten sum pfennig sag ich den vorgenanten meinen genadigen herren den abbt, seinn conventt und sein gotzhaws wissentlich mit chraft des briefs quit und ledig und los. Mit urkund des briefs verpetschad mit meinem aigen aufgedruckchten petschad. Geben zw Everding an sand Matheustag anno Domini milesimo quadringentesimo vicesimo tercio.