Ich Hanns chapplan in dem spital zw Everding bekenn offenlich mit dem brieff gein manikchlich, das mich der erwirdig geistlich in Got vater und herr her Hanns abbt zw Lambach und sein conventt daselbs ausgericht, gewert und bezalt habent funff phunt Wienner pfennig, der sy mir yecz zw unser lieben frawntag der liechtmessn schuldig gebesen sind, der selben obgenanten summ pfennig sag ich den vorgenanten meinen genadign herren den abbt, seinn conventt und sein gotzhaus wissentlichen mit dem brieff quitt, ledig und los, mit urkund des brieffs verpetschad mit meinem aigen auffgedrukchtem petschad, geben zw Everding am nachstn pfincztag nach Scolastice virginis anno Domini etc. vicesimo tercio.