Ich Anna, Wernhartes von Grueb sa^eligen wittib mitsampt mi^er alle mein su^en und to^echter, die hernach mit j^ern na^emen verschriben stend czu^e dem ersten Stephan, Hanns, Michel, Wernhard, Dy^emu^ed, Margreth, Elspeth, Anna, Angnes, Dorothee geswistert vergehen offenleich mit dem briff fu^er uns und alle unser erben unverschaidenleich mit enander, die wir haben oder noch chu^enfftickleich gwynnen allen, den der briff czaigt wirt, hornt oder lesent, daz uns unser gna^ediger herr abbt Symon abbt cze Lambach und auch der gancz convent des selbigen goczhaws mit veraintem ratt verlihen habent den noff cze Grueb, der gelegen ist jn Weybarer pharr und ist rechts erbrecht von dem obgnanten goczhaws cze Lambach und ist auch unser rechts chauffts erib mit der beschaiden, daz wi^er unserm obgnanten herren dem abbt cze Lambach, wer die weil abbt ist, ja^erleichen raichen und di^enen sullen von dem benanten hoff cze Grueb in di^ee abttey an sand Merteins tag ain halb phunt newr Wienner phenning, und an dem perichtage auch ain halb phunt alter Wienner phennig dem convent cze Lambach jn ir oblay; wer aber, daz wir jn den obgnanten dinst nicht raichten noch geben czu den obgnanten ta^egen, so schu^el wir oder unser erben jn dreyn virczehentagen sechs schilling Wienner phenning cze wandel au^ef den versessen dienst geben. Ge^ab wir aber noch enraichten den dinst nicht mit sampt dem wandel nach den dreyn virczehentagen, so sol der obgnante hoff dem goczhaws cze Lambach ledick sein von uns und unsern erben an allen krieg und an alle ansprach und mugen auch offetendew mit dem obgnanten hoff allen i^ern fro^emen handeln und schaffen wie sie verlust, es sei dann ab wir von gnaden von dem obgnanten abbt, wer die czeit abbt ist, und von dem goczhaws icht erwerben mugen. Wir offen auch, wenn uns not gescha^ech, den vorgnanten hoff cze verseczen oder cze verkauffen unser erbrecht dar auff, daz schu^el wir vor aller ma^enickleich daz goczhaws, oder wer die czeit abbt ist, an no^eten; wolten si^e denn von uns nicht chauffen oder dar auff leihen, mugen wi^er unser erbrecht und unsre rechten offtendew wol geben, wem uns lu^est und schal daz auch geschehen mit unser obgnanter herschaft hant, gu^enst und auch willen, da mit si aller irs goczhaws vordrung und rechten versichert sein; wir sullen uns auch dhain ander besunder herschafft uber den obgnanten hoff nicht nemen an des obgnanten abbts oder w wer die czeit abbt ist willen. Daz in das alles sta^et und unczebrochen bleib von uns und allen unsern erben dar uber geb wir jn den offen briff versigelt mit der erbern Petter des Anhanger cze Cho^eppach und Gangel des Anhanger cze Rewt und Grego^erigen des Rathalmynger, die czeit richter cze Starchenberg, aller dreyer anhangunden jnsigeln, die i^er jnsigel durit unser vlessigen pett willen cze czewgnuss an den briff gehangen habent, jn und allen j^ern e[r]ben an scha^eden, dar under wir uns verpinden mit unsern trewn an aidesstat allez daz war und sta^et cze haben daz in dem briff verschriben stet, der geben ist nach Christi gepu^erd virczehenhundert jar, darnach in dem andern jar des nachsten samstages nach dem heiligen auffert tage.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 509-511, Nr. 429