Charter: Urkunden (992-1600) 1251
Signature: 1251
Add bookmark
Edit charter (old editor)
1251, Niwenburch (heute Neuburg)
Otakar, Herzog von Österreich, bestätigt die Freiheit des Klosters Lambach von aller Privatvogtei.Source Regest:
OÖUB 3 (Wien 1862) S. 178, Nr. 184
OÖUB 3 (Wien 1862) S. 178, Nr. 184
Current repository:
Stiftsarchiv Lambach (www.stift-lambach.at)
Stiftsarchiv Lambach (www.stift-lambach.at)
Mit einem hängenden Reitersiegel aus weissem Wachs.
Material: Pergament


In nomine Sancte ac Indiuidue Trinitatis. Otakarus dej Gratia dux Austrie et Styrie et Marchio Moravie Omnibus presentem paginam inspecturis salutem in domino. Venerunt ad presentiam nostram, cum essemus apud Anesum constitutj, Abbas Wernhardus de lambach et sui fratres contra Gundakarum de Storchenberch querimoniam proponentes pro eo, quod sibi aduocatiam eiusdem ecclesie vsurpabat, et exhibitis priuilegiis vtriusque partis invenimus, quod priuilegium Gundachri posterius fuerat inpetratum ac de primo abbatis predicti priuilegio ivste dato pariter et obtento non faciebat aliquatenus mentionem, vnde nos accepto consilio dictis partibus diem de suo negotio antedicto prefiximus ad Nivvenburch ad placitum generale, quod nos sollempniter duximus celebrandum presentibus ministerialibus avstrie vniuersis, vbi tam ipsam prelibatam aduocatiam quam alias de vna sententia nostre adtraximus potestatj, presertim sicut eas Illustris memorie dux Fridericus predecessor noster novissime possidebat. Tenor avtem privilegii, quod sepedicta Lambacensis ecclesia per ducem proxime memoratum acceperat, talis est. In nomine sancte et indiuidue trinitatis. Fridericus etc. (Wien, 26. September 1232.) Nos igitur tenorem presentis privilegii ratum habentes et etiam firmiter confirmantes presentem paginam per impressionem nostri sigilli et subnotatis testibus roboramus. Testes autem sunt hii: venerabilis patauiensis episcopus Perhtoldus, Chunradus comes de Wazzerburch, Otto comes de hardeke et frater suus Chunradus, Albero Marschalcus de Chunringie, hadmarus de Werde, henricus de Schovmberch, Otto de Missawe, henricus dapifer de Greicenstein, Chunradus de Zekinge, Chunradus de hintperch, Wolkerus de parawe, Otto de Perhtoldstorf, Rudolfus de Potendorf, Botsko supanus de Znaym et alii quam plures. Acta sunt hec apud Nivvenburch Anno domini M. CC. LI. Indictione Nona.
Source Fulltext: OÖUB 3 (Wien 1862) S. 178, Nr. 184
Editions:
- Kurz, Beiträge II. 435.
Language:
Places
- Niwenburch (heute Neuburg)
Lambach, Stiftsarchiv, Urkunden (992-1600) 1251, in: Monasterium.net, URL <https://www.monasterium.net/mom/AT-StiAL/LambachOSB/1251.2/charter>, accessed 2025-02-14+01:00
You are copying a text frominto your own collection. Please be aware that reusing it might infringe intellectural property rights, so please check individual licences and cite the source of your information when you publish your data
The Charter already exists in the choosen Collection
Please wait copying Charter, dialog will close at success