Ich Ruger von Stoeutz ... vergehen ... daz ... apte Friderich und deu Samenunge des Goteshuses ze Chremsmunster ... gechouffet habent wider den bescheiden man hern Engelprehten von Chritzendorf einen weingarten, des dritthalp vierteil ist, leit in dem Zietersgraben, heizzet der Stoytzendorfer umbe fu^enf und virzech phunt phenning wienner mu^enze ... und der e genant Engelpreht hat in dem e geschriben Goteshuse ze rehtem Perchrehte aufgegeben mit Hermanneshant von Freysing, der ze der Zeit des weingarten Perchmeister was ... und der oft genant Engelpreht und sein sun Friderich, Ott sein Aidem und sin Chonfrowe Sabina, Chu^enrat der Stoetncr sin aidem und sin Chonfrowe Reichtz, Johannes sin aidem und sin Chonfrowe alheit und sin sun Engelpreht habent gelobt und unverscheidenlich gesatzt ir leibe und ir gut ze rehtem Scherme ... Ditz ist geschehen und diser prief gegeben da ze Hertzogen Neunburch, do von Christes Geburt ergangen waren Tousent iar Dreu hundert Jar und in dem Sechsten Jare an Sanct Georgen tage.

Source Fulltext: OÖUB 5 (Wien 1868) S. 611-612, Nr. XVI (Anhang)