Ich Ru^eger von Stoeutz ... vergehen ... daz ... Apte Friderich und deu Samenunge des Goteshu^eses ze Chremsmu^enster ... gechauffet habent wider Dietreichen den Pastoer und wider sein Chonn frowen Gerdru^eten einen Weingarten an der Obern Eren, des ein halbez Geuch ist, leit ze naehst walthers des Mu^elner weingarten, umbe fu^enf und sehzech phunt phenning wienner mu^enze ... und der vor genant Dietreich und sin Chon frowe Gerdru^et habent den selben weingarten dem e genanten Gotes hu^ese ze rehtem Perchreht auf gegeben mit gesampter hant do siz wol getůn mohten und mit gunst und mit willen Chunrades und Gerunges Syndrames su^en und Lewpolts heugen sun, die des weingarten auch erben waren und der vorgenant Dietrich hat den vor genanten erben Chu^enraten und Gerungen den zwein pru^edern und Leupolten heugen sun der vor geschriben phenning gegeben Sehzehen phunt phenning, daz si sih fu^erziht habent getan allez des rehtes, des si auf den vor genanten weingarten iahen, und der oft genant Dietreich der Pastaer und sin Chon frowe Gerdru^eten und die e genanten Chu^enrat und Gerunch Syndrames su^en und Leupolt heugen sun mit sampt ir hausfrowen habent unverscheidenlich ir leibe und ir gu^et ze rehtem scherme fu^er alle Erben und fu^er alle ansprache gesatzt als des Landes reht ist ze Osterreiche ... Ditz ist geschehen und diser prief gegeben da ze Hertzogen Neunburch do von Christes Geburt ergangen waren Tousent iar Dreu hundert iar und in dem Sehsten iar des naechsten Eritages vor Sanct Georgn tage.

Source Fulltext: OÖUB 5 (Wien 1868) S. 610, Nr. XIV (Anhang)