Ego Meingodus de Waldek, Ecclesie Pataviensis Canonicus et Plebanus in Sirnich, profiteor universis presentem paginam inspecturis, quod lis, que inter dominum Chunradum prepositum de Ranshoven ejusque ecclesiam ex parte una et me racione possessionis ecclesie in Sirnich vertebatur, exparte altera, super quadam possessione in Pösenprunn de consilio proborum virorum taliter omnimodis est decisa videlicet, quod predictus dominus Chunradus prepositus de Ranshoven in compensacionem juris mei et ecclesie supradicte VII talenta denariorum wiennensis monete michi tradidit ob renunciacionem juris mei huc usque habiti in eadem, quos etiam denarios in usus et utilitates inpendere teneor Ecclesie prius dicte. Et ne super hujusmodi litis decisione calumpniam inposterum patiatur, hanc litteram sibi tradidi sigillo domini Eynwici domus Sancti floriani prepositi et mei munitam testibus subnotatis, qui sunt: dominus Ditmarus de Aistershaim, dominus ulricus Ruffus, dominus Leutoldus de Pernau, dominus Heinricus de Achleiten, dominus Marquardus Schekler, dominus Heinricus Streler, dominus Ulricus de Türsendorf, milites, Otto de Stadel, Heinricus Jacober, Hertnidus et Fridericus chressling, Otto Snatergans et plures alii fide digni. Acta sunt hec Anno domini M°. CCC°, tertio, Johannis ante portam latinam.

Source Fulltext: OÖUB 5 (Wien 1868) S. 600, Nr. IV (Anhang)