Charter: Urkunden (777-1894) 0975 VI 21
Signature: 0975 VI 21
Add bookmark
Edit charter (old editor)
21. Juni 975, Altstadt
K. Otto II. bestätigt dem Bischof Piligrim von Passau die Schenkung der Abtei Kremsmünster.Source Regest:
OÖUB 2 (Wien 1856) S. 62
OÖUB 2 (Wien 1856) S. 62
x
In nomine sanctae et indiuiduae trinitatis. Otto diuina fauente clementia Imperator Augustus. Si petitiones seruorum dei iustas et rationabiles ad effectum perducimus, hoc nobis procul dubio ad regni nostri statum et ad aeternae beatitudinis praemia capessenda manifeste confidimus. Quapropter comperiat omnium fidelium nostrorum tarn praesentium quam et futurorum industria qualiter Piligrimus sanctae Patauiensis aecclesie presul uenerandus obtulit serenitatis nostrae obtutibus quasdam sui cartas episcopatus, in quibus continebatur, qualiter piae memoriae antecessores nostri Imperatores quandam Abbatiam Chremisa uocitatam ad Patauiensem aecclesiam iure imperiali donauerint, nostram flaggitans munificentiam, ut easdem cartas in nostra nostrorumque fidelium praesentia legi iuberemus. Cuius igitur petitionibus assensum praebentes coram fidelibus nostris eas legi fecimus et interuentu dilecti ac fidelis nostri Willigisi archiepiscopi pium praedecessorum nostrorum morem sequentes praedictam abbatiam cum omnibus ad eam iuste et legaliter pertinentibus, hoc est ecclesiis, decimationibus, cellulis, curtis, agris, uineis, nemoribus, pratis, pascuis, aquis, molendinis, exitibus et reditibus, quaesitis et inquirendis et cum omnibus attinentiis ad iam dictam patauiensem sedem iure imperiali tradimus et traditam confirmamus eo uidelicet tenore, ut eiusdem iam dictae Patauiensis aecclesiae rectores perpetualiter eandem Abbatiam absque alicuius contradictione personae teneant atque possideant. Et ut haec nostrae donationis et renouationis confirmatio pleniorem firmioremque in Christi nomine per cuncta uoluentis mundi curricula obtineat uigorem, iussimus hanc cartam conscribi et sigillo nostro sigillatam manu propria subtus firmauimus. Signum domini Ottonis imperatoris Augusti. (Monogramma.) Poppo Cancellarius ad uicem Willigisi archicapellani recognoui. Datum XI. Kalendas (sic) Anno dominice incarnationis DCCCCLXXIIII. (sic) anno regni domni Ottonis imperatoris XIII. imperii autem VII. Indictione IIIa. Actum Altstat in Christi nomine feliciter. Amen.
Source Fulltext: OÖUB 2 (Wien 1856) S. 62-63
Original dating clause: XI. Kalendas (sic)
Editions:
- Mon. boic. XXXI. I, 225. Nr. 116. ex lib. cop.
Comment
Nach dem Zitat der Erstveröffentlichung steht die folgende Anmerkung: "Erzbischof Willigis folgte in der Würde eines archicapellanus dem am 13. Jänner 975 verstorbenen [63] archicancellarius Rupert. Diesem und der angegebenen indictio III. zu Folge scheint diese Urkunde richtiger zum Jahre 975 eingereiht zu werden."Language:
Places
- Altstadt
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
