Ich Margret Niklas Witib des Retenperger von Grinczing vergich vmb die zehen schilling wienner phennig gelts, die der vorgenant Niklas mein wirt geschafft hat dem pharrer dacz der heiligen stat vmb einen ewigen Jartag auf vnserm weingarten gelegen auf dem hungerperg, - do man von alle iar dient den Geistleichen frown dacz sand Chlarn ze Wienn einen halben emmer weins ze perkchrecht vnd einen helbling ze voytrecht - mit meiner Perkchfrown hant, der Erbern Geistlichen frown swester Kathrein von Stubenberkch zu den zeiten Abptessinn des vorgenanten Chlosters dacz sand Chlarn ze Wienn dem Erbern herrn hern Waltchuen dem Alocher Chorherrn ze Newnburkch vnd zu den zeiten pharrer der vorgenanten pharrchirichen dacz der heiligenstat - bestet vnd verschriben han - Vnd wan ich selber aigens insigels nicht han - so gib ich - den prief - versigelten mit der vorgenanten Perkchfrown Insigel, der erbern Geistleichen frown Swester Kathrein von Stubenberkch, Abptessinn dacz sand Chlarn ze Wienn, vnd mit der erbern lewt Insigeln Niklas des Wu^erffels des Jungen vnd Petreins des Hadmars von Nuzdorf - Der geben ist ze Wienn - drewzehen hundert Jar darnach in dem Newn vnd achczigistem Jar des nechsten Samstags nach vnsers herren auffart tag.

Source Fulltext: ZEIBIG, Klosterneuburg (=FRA II/28, Wien 1868) S. 54