Ich Leupolt vnd ich Albrecht die Harmarkchter Veriehen - vmb alle die Ansprach, recht vnd vodrung, die wir gehabt haben hincz dem Erwirdigcn vnserm genedigen herren Probst Cholman ze Newnburg klosterhalben vnd dem Convent gemain da selbs von dez haus wegen gelegen pei dem vrownchloster zw nechst sand Chunigunden Chirichen, Haben wir vns fu^erzicht getan vnd verzeihen auch vns wissentlich mit dem brief, Also daz wir vnd vnser Erben noch niemant von vnsern wegen fu^erbaz hincz dem egenanten vnserm herren, dem Probst, dem Convent vnd allen iren nachkomen von dem egenanten haus wegen dhain ansprach, recht noch voderung haben noch gebinnen wellen noch sollen in dhainer weis, weder mit recht noch an recht - mit vrkunt dez briefs versigilt mit vnsern Insigiln vnd mit hannsen insigil des stenczleins - Der brief ist geben - Drewzehen hundert Jar, darnach in dem Acht vnd Achzigisten iar an sand Annen tag.

Source Fulltext: ZEIBIG, Klosterneuburg (=FRA II/28, Wien 1868) S. 53-54