Albertus dei et apostolice sedis gracia Epus. Pataviensis Vniversis sancte matris ecclesie filiis salutem in dno. sempiternam. Quamquam sacrorum locorum veneracioni ac profectibus ex nostri officii debito vacare et intendere teneamur, magis tamen obnoxii illis esse volumus, in quibus gloriosa virgo omnipotentis dei genitrix intemerata precipua est matrona, cum ipsa sit ympnis, choris laudumque preconiis per cuncta mundi climata omnibus non immerito preferenda. Hanc enim sibi semper virginem creator omnium preelegit, vt ex ipsa de sancto conceptus spiritu pro reparacione humani generis culpa inobediencie primorum parentum deperditi nasceretur. Nos omnes et singulas indulgencias Monasterio ipsius beatissime Marie virginis in Newnburga ord. s. Aug. Can. Reg. nostre diocesis nec non Cappelle sancti Johannis Baptiste site in Cimiterio iam dicti monasterii rite et provide concessas et in antea concedendas, rat as et gratas habentes, ac quadraginta dies indulgenciarum adiicientes, ipsas, quantum iure efficacius possumus, auctoritate ordinaria confirmamus perpetuis temporibus duraturas. In cuius rei evidens testimonium et certitudinem pleniorem presentes damus litteras sigilli nostri munimine roboratas. Datum Patavii die XXIII mensis Octobris anno dni. millesimo trecentesimo septuagesimo nono.

Source Fulltext: ZEIBIG, Klosterneuburg (=FRA II/28, Wien 1868) S. 3-4