Ich Vlreich der ChO^eczler, ze den zeiten richter ze Newnburch Marchthalben vnd wir der rat daselbs Veriehen - Daz fu^er vns chom der erber mann Leupolt Gylig, vnd bestet mit seinen ayd erhaft not durch gelts not willen, do er mit gesampter hant mit seiner erern||
hausvrawn fu^er petersen in ist chomen, der got genad, do wart mit vrag vnd mit vrtail der tailt als vnser stat recht ist, vnd auch vnser schrann recht ist, er solt der hab so vil fu^erchauffen, di seu mit einander gehabt haben, do verchaufft er dem erbern mann Nyclosen dem Hemerlein drey Jeuchart Akcher, die ze Purchrecht sint von dem Erbern Geistleichen herren, dem Brobst von Newnburch vmb Sechs phunt wienner phennige - vnd leit auch derselb akcher zenachst Dietmars von sebarn akcher, vnd svl auch der vorgenant Nyclos mit dem egenanten akcher - frein vnd ledigen haben - vnd geben dar vber disen prief- versigelt mit vnsers Stat Richter Insigel - Dreuzehenhundert iar vnd in dem ain vnd fvnnfczigisten iar.

Source Fulltext: ZEIBIG, Klosterneuburg (=FRA II/10, Wien 1857) S. 334