Ego Hermannus de Ladendorf scire uolo presentium quoslibet inspectores, quod locum molendinari structure aptum, quem uulgo Mulslacch nominatum in superiori parte pontis fluuii Leite circa Wulfleinstorf situm sub forma proprietatis ad me pertinentem, quem etiam sibi sub feodalis iuris nomine Jerenfridus miles minus iuste usurpabat‚ sed presentibus domino Ottone de Haslowe, nec non et me, multisque aliis nichil prorsus iuris in eodem loco habuisse uel habere conuictus est, carissime matris mee Chunegundis, nec non dilectorum covterinorum meorum Chraftonis, Dietrici, Chvnegundis et Wilbirgis voto et assensu in id ipsum concurrentibus, presertim cum in hac re alios coheredes non habuimus, fratribus monasterii sancte crucis cum hiis, que ad eundem locum ab antiquo pertinere noscuntur, pro quatuordecim talentis wiennensis monete publica uenditione ad molendini erectionem sev alios quoslibet vsus pro suo arbitrio conuertibilem venumdedi sub eterno proprietatis titulo possidendum. Quodsi quis hanc nostram actionem vtrimque rationabiliter conpletam quolibet modo infirmare temptauerit,veritate presentium predictis fratribus defensionem ad publici juris formam me polliceor prestiturum. Ut vero dicta vendicionis mee actio rata perseueret, presentem litteram sigillis domini Ottonis de Haslowe, nec non et sigillo patris mei, cum proprium non haberem, corninuniui testibus idoneis nichilominus subnotatis, quorum hec sunt nomina, Otto de Perhtoltsdorf, Chvnradus de Pilchdorf, Chvnradus de Potendorf, Reimbertus de Eberstorf, Levpoldus plebanus in Prukka, Eberhardus, Wolfgerus, Otto Vbelmann milites, Otto Fv^ez, Chalohus et Otto sub castro, Chunradus Rebstok ciues in Prukka, et alii quam plures. Actum anno domini M.°CC.°LXXIX.°

Source Fulltext: WEIS, Heiligenkreuz (=FRA II/11, 1856) S. 221-222