Nos Ortlibus et Hadmarus, fratres de Winchel, notum facimus vniuersis, tam presentibus, quam post nos futuris, quod Vlricus de Winchelberch, noster famulus, dictus Uulpis, de bona voluntate et consensu vxoris sue, domine Perchte, ac etiam heredum suorum, videlicet Johannis, Gedrudis, Elysabeth, Chunegundis, predium suum in Mulueld situm, ad vnius talenti redditus cum omnibus suis exeniis computatum, quod scilicet predium ad ipsum et vxorem suam iam predictam iure proprietario pertinuit, et ex eo legandi vel vendendi hoc ipsum cuicumque voluit plenam habuit et liberam facultatem, abbati et conventui in Altenburch, pro nouem talentis denariorum Wiennensium vendidit absolute, atque vt sui necnon vxoris sue prenominate memoria perpetua fieret, in loco superius memorato ob remedium etiam omnium suorum perdecessorum ad altare sancti Lamperti ibidem ipsa bona manu propria liberaliter resignauit ad manus nichilominus dominj Chunradi venerabilis tunc abbatis, fide data firmiter compromittens, quod secundum omnem formam iusticie et communem terre consuetudinem ipsi monasterio supradicto de predictis bonis omnem velit defensionem prout debeat exhibere. Insuper ydoneos quatuor viros, videlicet Leutoldum de Winchelberch, Heinricum Raunsuzzel, Chunradum de Hohenbart et Vlricum purkcrauium de Chunigsprunne fideiussores constituit vna secum, qui ad hoc ipsum voluntate beniuola et fide data, se firmiter obligarunt, quod si imposterum a quoquam iam prefata ecclesia impeticionem quocumque casu per aliquam questionem paciatur, quod ad omne dampnum refundendum eidem ecclesie et ad certos annos dictas possessiones secundum terre consuetudinem defendere teneantur, et quod ipsi ecclesie defecerit circa vnum, semper alter eorum superstes et defensione et satisfactione suppleat in integrum, quod communiter spoponderunt. Vt autem huius emptionis sev vendicionis formam nunquam aliquis valeat inposterum per calumpniam inmutare, sed vt firma omni euo hec legacio permaneat atque rata, ad instanciam Vlrici nostri famuli prelibati supradicte ecclesie in Altenburch et fratribus ibidem deo seruientibus in euidens testimonium pariter et cautelam presentes dedimus litteras sigillorum nostrorum robore consignatas. Testes huius rei sunt: dominus Otto de Hippleinstorf, dominus Vlricus de Egelmarsprvnne, dominus Ludwicus de Stochstal, dominus Chunradus de Turrental, dominus Poppo de Pevgen, dominus Heinricus de Pach, dominus Vlricus Marcius de Chotcendorf, dominus Otto Grecus de Vreitzlarn, milites; Heinricus de Wiltperch, Gotschalcus de Fronhoven, Otto et Vlricus fratres de Grueb, Prehtlo de Chrueg, Heinricus Dachpech, et Vlricus frater suus, Chalhardus de Fuenveld, Wichardus de Peugen, Wippoto ibidem, Perchtoldus de Stochstal, Heinricus Procendorfer ibidem, Vlricus gener Leutoldi ibidem, Vlricus dictus Phaff ibidem, Hermannus de Porzze, Ernestus ibidem, Chunradus de Windistey, Herbordus Hoyer de Stochstal, Symon ibidem, Albero Walckerstainer, clientes; Otto de Fuenveld, Chunradus filius Titmari, famuli domus, et alij quam plures laici fide digni. Actum et datum in Altenburch, anno dominj MCCLXXXVIII. jn die Symonis et lude apostolorum.

Source Fulltext: BURGER, Urkunden Altenburg (=FRA II/21, 1865) S. 45-46