++ In nomine sancte et individue trinitatis amen++. Nos Eberhardus dei gracia Salzburgensis ecclesie archiepiscopus, apostolice sedis legatus, notum facimus universis presentem paginam inspecturis, quod cum comiti Hermanno de Ortenburch in solucione predii sui Lessach decimam in Chrowat et quinquaginta marcarum redditus in officio Stalle pro trecentis marcis denariorum Frisacensis monete, quorum unum talentum et quinque denarii marcam faciant puri argenti, obligassemus, ministeriales nostri et officialis noster in Stalle dampna sibi et gravamina intulerunt, que sub dampno nostro sibi recompenssavimus^a), ut decebat. Ne igitur in predicta obligacione aliqua sibi calumpnia possit vel debeat in posterum suboriri, sed pocius predictus comes H(ermannus) et heredes sui in quieta possessione permaneant, predictam sibi obligacionem de communi consilio ministerialium nostrorum et nostri capituli consenssu^a) confirmavimus iterato talem adicientes caucionem, quod, si qua dampna vel gravamina in predicta obligacione a nobis vel a nostris successoribus sive ab aliquo nostrorum illata sibi fuerint, proinde ad satisfaccionem et emendam debitam nos nostrosque successores et bona ecclesie nostre prelibato comiti H(ermanno) de Ortenburch obligavimus. Huius rei testes: Vlricus Lavendin(ensi)s episcopus, magister Heinricus prothonotarius, Wluingus de Stubenberch, Wluingus de Moshaim, Otto de Matrei, Ortolfus et Eberhardus fratres de Mo/etniz, Pabo de Hohenburch, Hermannus de Wolfsperch, Regenwardus de Velsperch, Sweichardus de Chaets, Pilgrimus de Chaets et alii quam plures. Ad habundantem autem cautelam, ne premissa omnia valeant irritari, presens scriptum sigilli nostri munimine fecimus roborari. Acta sunt hec anno domini millesimo CC°XL°IIII°, XII° kalend. aprilis.||
S.^b)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S.585.