Eberhardus dei gratia Salzpurgensis archyepiscopus^a), a(postolice) s(edis) l(egatus), tam presentibus quam futuris presentem paginam inspecturis salutem. Cum ab adolescentia in malum potius quam in bonum sit pronior omnis etas, que ausu temerario legitimos contractus conatur evertere et pro sue voluntatis arbitrio immutare, proinde, ut huiusmodi iuris perturbatoribus prestantius obvietur, rite disposita et rationabiliter diffinita scripture testimonio confirmantur. Notum igitur presenti scripto facimus universis, quod cum dilecti filii prepositus et capitulum Berthersgademse^a) in quodam nemore sive foresto iuxta Nyderhaeim predium ipsorum sito duas partes a primeva fundatione ecclesie¹⁾ possiderent et tercia pars ad fideles nostros ministeriales ecclesie Duringum et Ortolfum de Steveningen a comite Livtoldo de Plaein feudo tali iure spectaret, qui idem capitulum in eadem silva sive nemore in iure suo sepius perturbarunt in hoc sibi sentientes preiudicium generari^b), partem illam, que iam dictos milites contingebat, prece et precio conpararunt ita videlicet, quod ipsi feudum idem antedicto comiti libere et integraliter resignarent, nullum ius in eodem nemore sive foresto sibi aliqualiter reservando. Cum autem prout convenerant feudi resignatio facta fuit, comes Livtoldus proprietatem pro se suorumque predecessorum memoria Berthersgademsi^a) ecclesie contulit pleno iure suo eam privilegio muniendo Postmodum vero unus ex tribus supradictis Dvringus scilicet cepit eis in eadem silva sive nemore gravis et iniuriosus existere resignationis et contractus immemor, quod tantum partem sue partis et non totam resignaverit asserendo, sed quia capitulum predictum in hoc suum ius ledi et infringi videbat, deposuit querimoniam coram nobis. Super quo idem Dvringus legitime vocatus partem suam quantum potuit defendebat. Prepositus Berthersgademsis^a) et capitulum nichilominus iure suo et rationibus propositis testibus et privilegio comitis comprobavit ad se tantum et non ad ipsum nemus sive forestum legitimo contractu bona fide et iusto titulo pertinere. Nos vero, qui nobis conmissis sumus in sua iusticia debitore, rationibus hincinde propositis diligenter inspectis idem nemus sive forestum ecclesie Berthesgademensi per sententiam adiudicavimus sepedicto Dvringo silentium inponentes et evidens testimonium huius rei ipsi tradidimus presens scriptum sigilli nostri munimine roboratum. Huius rei testes sunt: Otto prepositus Salzpurgensis, Vlricus prepositus Bo/vmburgensis, Haeinricus decanus, Fridricus de Limz canonici Salzpurgensis ecclesie, Gerhohus de Mathse, Liebardus de Tegrewach, Rv/odgerus de Perchchaeim et Marquardus frater suus, Haeinricus de Scherenberch, Dietmarus Lamp, Albertus de Trvtlachingen, Isingrimus et Chvnradus^c) Tisingarius, Chunradus incisor et alii quam plures.||
Acta sunt hec anno domini M°CC°XL°IIII°.||
S.^d)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 579-580.