[23. Februar 1736]

Congregatio secunda instituta 23. Februarij [1736] praesentibus P. M. Sp. Cl. et Exc. DD. de Lebzeltern, Tamen, Gerstorff, Weber, Ruck, Habersack, Freundt, Paminger, Silveri, Vogl, Höltl, Scholz, Zwenhoff, Pfundtheller, Mannagetta, Fezer, Weigant, Mack, Knitlmayr, Hirsch, Steindl, Hentschl, Knoblach, Schram, Plencius, Engl, Linz.

Propositum fuerat negotium Joannae Schönin obstetricis, in commissione antea iam examinatam, contra quam, cum Joannes Ernst conquestus fuisset, quod in partus negotio defunctae uxori suae indebita adstitisset, hinc per testimonia etiam confirmatum fuisset, quod contra artis obstetricariae regulas peccasset, iudicavit facultas ut per tres menses ab artis exercitio omnimodo suspendatur.

Supplicat D. Joannes Guilielmus Mannenbach, philosophiae et medicinae doctor, Sp. D. Joannes Baptistae Mannenbach Decani quondam filius, ut ad repetitionis actum ab inclyta facultate medica admittatur. Hic, cum requisitos studiorum annos non haberet, et affixa in collegio medico resoluto# aulica de dato 28. Junij anni 1734 [fol.153r] repetitionis actum illis denegaret, qui antea hic studentes doctoratus gradum in externa quoadem universitate susciperent, conclusit facultas, ut dispensatis (quantum in potestate sua est) ob considerationem patris studiorum annis admittatur, ni resolutio aulica (quem interpretari facultatis non est) obstiterit.

Relatum# est facultati negotium uxorem tibialificis, sub jurisdictione aulae mareschalli existentis concernens. Haec, cum contra privilegia Facultatis medicae non tantum aquam antivariolosam publice divendat, sed insuper medici ad instar visitationes apud similes aegratos instituat, ut voluntatem ac praeceptum summi optimique principis in ammolliendis ob salutem publicam medicastris exequeretur, facultas eandem modeste citavit. Sed cum illa post ternas citationes semper arroganter respondisset, sibi nihil cum facultate officij intercedere et ad judicum solum aulae mareschallicum responsuram, communi facultatis ##citum est, ut jurisdictionem suam exerceret facultas, et armata manu haec ad carceres academicos reducatur. Cum proinde opportunos desuper habuisset ordines bedellus, huicque ex domo sua illam abducere voluisset, resistentiam aulae mareschalli inveniens inferto opere discessito, quemobrem cum aulae mareschallum prout m# dicasterij illius secretarium accessissem isque attentatae carcerationis iustitiam et potestatem exposuissem, et unus et alter de violata aulae mareschallico immunitate protestans se nullo modo hanc vel aliam carcerationem admissuros exagerarunt et hoc solo cum responso me dimiserunt: Quod si facultas medica ad modum aliarum instantiarum processisset, ac debito modo per requisitoriales foeminae huius praesentationem impetrasset, se omnino consensisse, ut ad facultatis medicae de illicita et inexperta praxi sisteretur.6 Resolvit per vota quasi omnia facultas, ut cum appositione extracti privilegij nostri, simul m# copiae illius privilegij extra facultistis ab aula dari (fol.153v) soliti informativae quaedam litterae ad judicium illud dentur, quibus de facti justitia et authoritate admonitum requiratur, ut facultati medicae jurisdictionis suae exercitium inviolatum in posterum relinquat, in casu vero, quod haec non profecerint, ad aulam recurratur.