[31. Mai 1698] III. congregatio 31. Maii. Praelecta fuit querela chirurgorum civicorum contra nos omnes apud consistorium ratione examinati Koch.

Proponitur quaestio, an balneator ad S. Udalricum Joannes Mayr, cui rev. dom. abbas dederat locum sibi fabricandi balneum in suo territorio, sit examinandus nec ne.

Balneatores autem civici hic non voluerunt ipsum praesentare, eo quod non haberet licentiam contra privilegia ipsorum simile quid faciendi. Fuit conclusum, omnino esse examinandum licet ab illis non praesentetur.

Fuerunt etiam accusati 4 socii pharmacopoei, qui inceperunt studere hic medicinae, quod sub hoc titulo practicent. Fuerunt citati, ut se curent inscribi, sed insolenter respondentes abierunt in Italiam. [fol. 143v]