Current repository:
Universitätsarchiv Wien, UAW Cod. Med 1.7 AFM 1677-1709
[1. Februar 1690] II. congregatio 1. Februarii. Joannes Adamus Felix Müllbacher et Joannes Fridericus Kerhn phil. et med. dr.. uterque Styrus Graecensis [fol. 82r] rogarunt pro repetitione et obtinuerunt. Quaestio saltem erat, quisnam et in disputatione et deinde in sessione alterum praecederet, quod uterque ambiebat. D. Müllbacher primus locus adjudicatus est, quod et senior esset in gradu doctoratus et in aetate et prior apud facultatem se insinuasset, qui tamen paulo post peractam disputationem et acceptam sessionem juri suo morte renunciavit, cujus anima sit in benedictione sempiterna.
Maria Lehnerin, quae per quinquennium serviverat apud D. Sorbaith et ab ejus dom. conjuge recommendata fuit pluries, supplicaverat pro stipendio Emericano.
Data itaque informatione, quod praeter med. stud. Etiam ancillae quaedam, praesertim, quae apud membra facultatis in servitiis fuissent, hujus stipendii sint capaces, supplicanti stipendium unius anni fuit assignatum.
D. Plöckner legit sua acta et approbata sunt.
- Acta Facultatis Medicae Universitatis Vindobonensis Vol. 6, Leopold Senfelder, 1912
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
