[8. August 1689] Die 8. Augusti examen juvenis chirurgi natione Galli nomine Nicolai Menageot praesentati per Joannem Paulum Mauser et Paulum Kauz. [fol. 78r]

IV. congregatio mense Augusti. Supplicem libellum exhibuit balneator sub meo antecessore examinatus Georgius Henricus Gachberger, qui in aedibus privilegiatis ad dom. comitem de Starenberg civitatis Viennensis praesidem militarem spectantibus dictis Conrads Wert novam tonstrinam cum cousensu regiminis erexit. Accusat balneatores civicos, quod socios et discipulos opificii quos suscipit et alit aliorum balneatorum promotionibus incapaces proclamarent. Responsum: Den Badern zur Gegenantwort zuzustellen. [Auszug.] Quia civici balneatores responsum hactenus non dederunt, secundo supplici libello ursit balneator cui iterum responsum; Die Bader haben binnen 8 Tagen zu antworten. [Auszug.] Med. stud. Joannes Nicolaus Eichorn et Joannes Conradus Döhler ad examen baccalaureatus admitti rogarunt et obtinuerunt.

Supplicarunt duo med. dr. in Italia promoti, unus quidem Baduae al domo Philippus Dollinger, alter etiam Baduae sed albo et authoritate Veneta promotus Christianus Wilhelmus Dam et quidem ideo, quia tunc sectae Lutheranae addictus al domo uti omnes acatholici excluduntur promoveri non poterat, nunc autem factus catholicus-Viennae subsistere cogitat. Uterque materiam pro repetitione rogavit et impetravit, primus aphor. 32 sect. II. alter aphor. 6 sect. II. Denique quia promotio doctoralis albo seu potestate Veneta facta ab aliis universitatibus pontificia et caesarea potestate fundatis non facile recipitur, conclusit facultas ut dom. Dam ante repetitionem in supplementum suae promotionis novam epemidem fieri curet in locum veteris nostrae jam satis attritae.

Legit sua acta D. Stokamer et approbata sunt.