[19. Mai 1612] Tertio tandem 19. Mai praesignificatis deputatis convocandis

convocatis dominis tentatoribus tribunus pro tempore balneatorum civilium magistrorum Joannes Krosch cum alis civilibus compraesentantibus balneatoribus magistris jussus ingressus tentandum more solito Christophorum Preyssingerum cum honorifico eoque eleganti praesentatorio sermone praesentavit. Hic senex balneator magister Preyssingerus ob indoctam ad interrogata datam responsionem rejici meruit artis in castris oblitus. Martinus Penssatter tentari nolens emansit. Exploso Preyssingero, Guilielmus Dilschneider per barbitonsores duos ordinarios tribunos aliosque civiles barbitonsores magistros praesentatus aptus promoveri reperiundus serio tentari coepit. In solvendis enodandisque omnibus prope quaesitis potissimum vero in curanda per fumum lignumque sanctum venerea virulentia seu lue gallica prudentem doctum peritumque chirurgum se ostendit. lnclyto per literas Viennensi senatui recommendatus visus sufficiens per inclytam medicam facultatem ab eodem senatu gratissimus receptus fuit.