Current repository:
Universitätsarchiv Wien, UAW Cod. Med 1.5 AFM 1605-1676
[20. Oktober 1611] Die vigesima Octobris ultimam congregationem institui in qua primo tertiam Joannis Georgii Soldini pharmacopoei petitionem pro admissione ad examen inclytae facultati proposui praesentibus et senioribus pharmacopoeis.
Conclusum fuit ut antea ubi literis reversorialibus caverit se officium ilud provincialis
pharmacopoei nec ambire nec in posterum ulla ratione ambiturum ad examen
admittendum quam sententiam licet Soldinus in deliberationem traheret tamen
deinde sub sequenti decano his ilis reversorialibus datis fuit examinatus. Deinde de
anniversario pro defunctis uti coeptum fuit et in postorum diligenter quotannis
celebrando denuo proposui. Confirmavit facultas prius decretum ut singulis annis
affixa publica intimatione ad valvas invitatis et aliarum facultatum membris ac ne in
posterum forte aliquando ob penuriam aerarii nostri abrogari possit colectis ab
omnibus facultatis nostrae doctoribus sumptibus ad id necessariis id solenniter fiat
actis inserendum pro aeterna rei memoria decrevit.
Tandem resignavi officium decanatus mei. [fol. 42r]
Accepta.: A Conrado Stainman xenodochi civilis chirurgo 3 flor., a Gregorio
Machiowitz chirurgo 3 flor., a D. D. Balthasare Pastorio reverendiss. et ilustriss.
principis domini archiepiscopi Salisburgensis personae medico 44 flor.
Exposita: Domino meo successori D. Piribachio 44 flor. Pro cistis duabus ferendis
15 cruc. In festo divorum Cosmae et Damiani organistae et cantori singulis talerum
facit 2 flor. 48 cruc, aedituo 15 cruc, pro 21/2 mensuris vini malvatici 1 flor. 40
cruc, pro media libra panis biscocti 24 cruc, pro holohippis ut vocant 18 cruc, pro
libis Norimbergicis 30 cruc; pro confectione saccarata diversi generis 3 flor. 17
cruc, pedello 24 cruc, pro officio defunetorum solenniter celebrando cum 4 missis
pro defunctis 5 flor. 15 cruc. Pedello suum semestre stipendium 3 flor. 45 cruc.
Summa: 63 flor. 31 cruc.
Más vale a quien Dios ayuda, que quien mucho madruga.70
Avec esperance et silence.
Guilielmus Rechperger D. m. p. [fol. 43r]71
[1611/1612]
Acta decanatus IV. Tobiae Piripachii phil. et med. dr. et theoricae medicinae professoris primarii.
- Acta Facultatis Medicae Universitatis Vindobonensis Vol. 5, Leopold Senfelder, 1910
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
