[13. November 1561] IV. Congregatio.59 Accepto hoc decreto regiminis 13 die Novembris iterum dominos doctores convocavi et illis hoc decretum proposui una cum Magistri Johannis Neuman suplicatione, quem Dr. Casparus in sua suplicatione, quae in actis reservata est nominaverat. Acceptatus igitur est ab excelso regimine Magr. Neuman in magistrum sanitatis stipendio.

Interea excelso regimini oblata est suplicatio cujusdam civis Viennensis Hohenholzers, qui magistrum sanitatis cujusdam insignis erroris et male judicatae infectionis graviter apud s. regimen accusavit. Quare regimen indignabundum una cum suplicatione praefati civis hoc sequens decretum facultati transmisit, quod mihi praesentatum est 21. die Novembris.