[6. August 1560] 6. Augusti examinatus est mane Udalricus Hain chirurgus et balnearius in cura vulnerum, fractionis et missione sanguinis. Respondit utcumque, admissus est. Numeravit facultati 3 Rhen. flor, pedello solvit 15 cruc.

Accessit tum etiam alter e et gratia eum domini admiserunt ad examen. Nomen illi fuit Georgius Maier chyrurgus et tonsor. Interrogatus est de cura recentium et antiquorum vulnerum, fracturarum, luxationum, apostematum, minutione sanguinis. Bene respondit et admissus est.

Solvit facultati ut alter 3 flor., pedello etiam suum.

Exposui pro duabus mensuris dulcis vini 32 cruc., pro panibus 4 cruc.,

pro testimoniis istorum duorum describendis 35 cruc. [fol. 12v]

Visitatum est etiam hoc mense hospitale civium consule et senatu id petente a clarissimis viris D. D. Casparo,37 D. Aicholtz et D. Walthero.

[Mai 1560] Mense Majo quod ante praeterierat obiit magnificus et clarissimus vir D. Franciscus Emericus caesaris consiliarius et in nostra facultate per multos annos senior vir excellentis eruditionis et prudentiae.

Perfunctus est in hac academia honoribus omnibus: aliquoties fuit rector, saepe decanus, aliquando vicecancellarius et superintendens.

Omnes quotquot doctoratus insignia hic acceperunt per aliquot annos is promovit. Cum maximo fructu per viginti et aliquot annos usque ad vitae finem hic publice professus est. Celebratum est ei funus cum maximo omnium luctu 28. Maji. Orationem funebrem recitavit Martinus Mylius Annabergensis.

Reliquit hic D. Doctor Franciscus collegio nostro decem ducatos testamento, quos in sui memoriam voluit consummi in convivio aliquo. Nisi autem uno sunt numerati; videbunt successores ut numerentur.

Pro intimatione funeris notario 4 cruc.