[5. März 1532] 5. die Marcii anno ut supra, decanus facultatis doctores sub pena non contradicendi ad suum convocat hospicium illisque casum et instantissimam ipsius Perlachii petitionem, ut illi cunctis presentibus daretur responsum, exponit. Habitis igitur multis ultro citroque verbis, quidnam faciendum foret, tandem in eum concluserunt modum unanimi voto, nemine contradicente, uti Perlachio talis daretur recessus, cuius copie etiam non essent denegande. Intromisso igitur651Perlachio, doctoribus omnibus presentibus, per decanum expresse legitur germano idiomate conceptus recessus, ut sequitur:

“Dieweil gedachter Perlachius der herren doctorn vorgeendt mittl, so nit allain der facultet, sunder auch doctor Iergen Tannstetter unnd im zu gütt gedeichen unnd khomen mag, nit annemen wyll, des sich dan die facultet pey im doch652nit versechen, sunder in bedacht vergangen unnd khunftiger guethait unnd promotion, dem selbigen nach zu khomen verhofft hatt, so wellent die doctores [fol. 114v] diser zeit aus einem überfluss zügebenn, das gedachter Perlachius dem repetenten sein question assumiren soll, damit der repetent in seinem furnemenn nit gehindert werd, doch mit diser protestation unnd bekhandtnuss653, dieweil ein yeder promovent sich mit einem doctor umb begangen onwillen vertragen schuldig ist, lautt der facultet statut, und aber zwischenn doctor Iergen Tannstetter unnd dem Perlachio, wie es die facultet vom Tannstetter vernomen, widerwyll zütragenn, das die facultet gemelten Perlachio zu kheinem weitterm schüllerschem noch doctorischem act, eemallen er sich mit dem Tannstetter reconciliert oder ir sach güttigkhlich oder rechtlich vertragenn, wirt zulassen, das also die facultet zu erhaltung irer statut offenlich protestirt unnd bezeugt wyll habenn unnd also einschreibenn lassenn."