Current repository:
Universitätsarchiv Wien, UAW Cod. Med 1.3 AFM 1490-1558
[23. April 1508] Die Pasce, infra sextam et septimam horam post meridiem, facultatis congregatio in ecclesia divi Stephani prothomartiris habita est. Ibi enim facultas totum negocii processum satis compendiose ac deliberatissime omni ex parte trutinavit et exactissime rimata est, et inter cetera cogitans, quod domini iuris consulti inter se divisi et dissencientes ac in proprio suo negotio hactenus adeo tepide egissent, videns denique Consistorii furiam, considerans etiam varia imminencia pericula, singulis illis observatis consideratisque, facultas conclusit, quod decanus hoc vesperi se rectori nomine facultatis presentet.
Decanus eadem hora cum prothonotario universitatis dominum rectorem suis in edibus visitavit et se nomine facultatis medice Magnificentie sue presentavit. Habita ista relatione, dominus rector summe gaudens de bono pacis et summa tranquillitate ea in re facta, hilari vultu mox pro malmatico optimo misit, de quo decanus et prothonotarius summe fuerunt grati et bene refecti. Laus summo motori.
- Acta Facultatis Medicae Universitatis Vindobonensis Vol. 3, Karl Schrauf, 1904
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
