Current repository:
Universitätsarchiv Wien, Cod. Med 1.2 AFM 1436-1501
[10. Juli 1442] Item 10. die mensis Iulii congregata fuit facultas ad expediendum articulum subscriptum: Et erat ad examinandum quendam neophitum juxta desiderium dominorum civium pro medico se gerentem; unde cives petiverunt et desideraverunt, ut examinaremus quendam Iohannem Gabrielis, qui in civitate practicavit et famabatur de multa malicia et iniquitate, et ipsi cives ex ipsis eciam deputaverunt duos ad nos juxta desiderium nostrum, scilicet Ulricum Phanczagel et Symonem Pötel. Quod examen fuit inceptum in presencia tocius facultatis et civium predictorum et repertus fuit insufficiens; verum dicebat, se fore non bene deliberatum, et petivit terminum ad diem 16. eiusdem mensis, qui terminus ad consilium dominorum civium sibi datus erat, et fuit sibi admissum, ut reciperet duas materias sibi placentes et in eisdem responderet, quod ipse sponte et libere acceptavit in presencia civium prescriptorum.
- Acta Facultatis Medicae Universitatis Vindobonensis Vol. 2, Karl Schrauf, 1899
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
