[13. Oktober 1469] Anno Domini M.0CCCC.°lxix°., feria sexta in die sancti Colmanni683 martiris, in decanum facultatis medicine electus est Mag. Hermannus Haym, arcium et medicine doctor, in domo domini doctoris Mag. Michahelis de Schrik, cui decanus precedens immediate presentavit ladulam facultatis cum in ea contentis preter duos libros, videlicet librum statutorum et novellum librum actorum, quos tam misit cum bedello nostro Friderico feria sexta post, videlicet in octava, et eodem die, omnibus doctoribus presentibus preter dominum doctorem Mag. Nicolaum de Ratispana, qui fuerat tunc in superioribus partibus, fuit computos factus cum domino decano precedenti de expositis et perceptis, et omnibus computatis presentavit 3 flor. Ungaricales et Friderico, bedello nostro, dedit 1 flor. ducatum et 5 sol. den., et nulla minuta pecunia valens mansit, nisi quantum pro vino expositum fuerat et modicum in pecunia, que data eciam fuit Friderico. Item eciam conclusum fuit pro tunc, quod incola domus deberet per se reformare funem putei cum aliis sibi prius aliis annis adiunctis.