[19. April 1464] Item anno Domini 1464., feria quinta post dominicam, qua cantatur Misericordias Domini etc., dominus doctor Mag. Conradus Prawn de Muldorf, arcium et medicine doctor, scripserat domino decano et toti facultati pro ipsius redempcione et omnem spem suam in facultatem inclitam medicine [fol. 56v]579 posuerat ipsamque in extrema sua necessitate invocaverat, spe ab aliis omnibus, eciam parentibus et amicis, relicta, ut facultas inclita medicine eum ab illis anxietatibus redimeret et 12 balistas vel saltem minorem numerum earum transmitteret festinanter et pro reliquis pecuniarum valorem, et pro isto mutuo omnia bona sua in domo prescripte facultatis constituta facultati inclite medicine impignoravit. Facultas prescripta congregata in domo domini doctoris Mag. Michahelis de Schrick se deliberavit et peticionem580 prefati domini doctoris Mag. Conradi Prawn de Muldorf exaudivit et sibi feria sexta sequente 30 flor. Ungaricales accomodavit de thesauro prenominate facultatis medicine propter ipsius premissa, quos dominus doctor Mag. Caspar Griessenpeck de Lanshuta receperat in stuba domini doctoris prescripti Mag. Michahelis, ut presentaret eos prefecto in Deben N. Prawnsdorfer, qui coram facultate loquebatur, quod vellet omnem diligenciam suam facere pro prefati domini doctoris redempcione, cui confisa est facultas juxta scripta domini doctoris Mag. Caspar. Item in archa facultatis manserunt 22 flor.581 Ungaricales et 1 Reynensis et modicum de minuta pecunia ut circa 80 den.582

Item dominus doctor prefatus Mag. Conradus Prawn de Muldorf misit mihi 30 flor., 28 Ungaricales et 2 ducatos cum duobus Magistris, videlicet Mag. Michahele Maynesdorfer de Wyenna et Mag. Ulrico Reß de Fischyn et undecim de hiis non habuerunt verum pondus, ut prescripti 9. Mai Magistri viderunt, et fuit feria quarta ante festum Ascensionis Domini et retulerunt, quod essent floreni Mag. Conrado, domino doctori, accomodati.583