LXXXVI.

&Ьпщ Gtyrijrmn ouf ben SSBteberfanf beê £>orfeè ©teinrabe. Шe'т-

feíb 1465, (September 14.

(Fol. S, 2, No. 24.)

Wy Christiern, van Gades gnaden konninck tho Dennemarcken, Sweden unde Norwegen, der Wende unde Gotten, hertoge tho Sleswick, greve tho Holsten, Stor maren, Oldenborch unde Delmenhorst, bekennen apenbar vor allen, de dessen breff seen edder horen lesen, dat wy mit wittschop trnde vryeme willen vor uns, unse erven unde unse nakomelinge, umme de eere Gades unde unser leven fruwen, der moder Gades, unde umme unser seelen salicheit willen, hebben vorlaten unde overgeven, unde jegenwardigen vorlaten unde overgeven, den werdigen heren unde vedern, hern Petro Priori unde deme gantzen Conventui tho der Arndesboken Carthuser orden in

#

unsem lande tho Holsten lubissches stichtes, allen wedderkop, de unse vorvare unde leve ohm hertog Aleff seliger dechtenisse vor sick unde sine nakomelinge beholden hadde in deme dorppe Steenrod mit alle syner thobehoringe etc. im kerspele Ghlisken- dorpe belegen, unde sette desse vorbenomede heren unde brodere mit alle eren nako- melingen tho ewigen tiden dorch grote gunst unde leve willen, in unde mit krafll desses unses versegelden breves, in de ewigen hebbenden besitliken were unde rowelike fredesame brukinge unde besittinge: also dat nach wy, unse erven effie unse nakome linge otïte jemandt anderss moge efte schole jenyge hynderynge ofFte jennige wedderstal hir anne doen. Men desse vorbenomede Carthuser scholen unde mogen des vorge- nomeden gudes unde dorpes mit alle syner thobehoringe unde fryeheit, rechte in hals unde in handt etc. na inholdinge erer breve, daruppe ene vorsegelt, ock mit vorkopinge offte vorbutinge nach eren behechliken willen, gelykerwvse alse alle ere vorfaren desses dorpes mit alle syner thobehoringe aller fryest hebben gebruket unde beseten, offle mochten hebben beseten unde gebruket. Desse vorlatinge desses vorschreven gudes gunnen wy dessen unsen leven vedern unde Carthuseren umme vormeringe der ehre Gades unde umme unser unde unser leven husfrouwen Dorotheen, unde unser olden unde all unser vorfaren unde nakomelingen selicheit willen. Also dat unse leven vedere vorgenomet desto llitigcr vor uns bidden, also vele mere se vormiddelst unser furstliken gunste werden besorget. Hir an unde aver sint gewesen die erwerdige in Godt vader

113

unse leve getruwe her Arnd Bisschop tho Lubeke, Claves Rantzow heren Schacken sone, unde Detleff van Bokwolde heren Detleves sone, unde andere mer unse leven getruwen redere. Thor witlicheit hebben wy unse secret laten hengen vor dessen breff. Gegeven im kloster tho Reynevelde, am dage des hilligen Crucis exaltationis, na Gades bordt veer- theinhundert unde in deme vyff unde sostygen jare.

ЬХХХУП.

5S5ittme 2£bei Шщ$й mit ityren jwei Ätnbern öerfrtuft if)re Dörfer ©tttyne= fulen unb ©ebelin mit ßube^ör bem Älojfcr menêbô! für 2300 mati unb ein <3tM Seibener Suф. 1469, Шц 11.

(F. 62, No.

Wy Abele, nalaten wedewe, unde Gotzick unde Ernst brodere, knapen, sones vrouwen Abelen erbenomed unde seligen Eggert Muggels, Otten soene, ichteswane knapen unde wanafftich in dem hove geheten Swynekule am lande tho Holsten in deme kerspele tho Sarow des stichtes tho Lubeke belegen, bekennen unde betugen -apenbare in dessem breve vor alsswem, dat wy mit vryem willen, wolberadenssmodes, na Raede unde vulbord des erluchteden hochgebarnen fursten unde heren, hern Christiern, tho Dennemarken, Sweden, Norwegen, der Wende unde der Gotten koninges, herthogen tho Sleswick, tho Holsten, Stormarn, tho Oldenborch unde Delmenhorst greven, unses gne- digen leven heren, unser dochter unde suster Iden, unser erven unde frunde, unde vort alle der jennen, der uns ere vulbort hir tho noed unde behoeff was, vor uns, alle unse erven unde nakomelinge, rechte unde redelken hebben vorkofft unde uppelaten, vorkopen unde laten up jegenwardich in krafft desses breves tho enem ewygen koре unde eghen- dome den werdigen geistliken vederen unde heren, hern Nicolawesse Priori unde deme gantzen Convente des Closters thor Arnsboken, Carthuser ordens, im lande tho Holsten des stichtes tho Lubeke, erbenomed, belegen, tho erer unde tho dessulven eres klosters behoff, vor dre unde twintich hundert lubessche mark penninge unde eyn leydisch laken, de uns desulve here Nicolaus Prior van siner unde sines erbenomeden Conventes wegen in gudem vulstendigem gelde unde pagimente, binnen Lubeke genge unde gheve mit dem leydischen laken wol tho dancke deger unde all rede betaled hefft, unde de wy vort an unse unde unser erven merckliken nuth unde sware schulde witlyken gekered unde uthegeven hebben, unsen erbenomeden gantzen hoff mit dem gantzen dorpe, dar vore belegen, g'enomet Swynekule mit veertein hoven landes, mit der molen unde mo- lendyke dartho belegen, mit dessen naschrevenen stouweden gantzen visschedyken, alse dem Swynekulendyke, dem Beelerdyke unde dem halven Vibrokesdyke, mit den kolingen

15

114

gebeten dat Kyffholte unde dat Berkowerholt, unde unse gantze dorp Sebelin mit sostein hoven landes, alle in deme lande tho Holsten unde am karspele tho Sarow des stichtes tho Lubeke, erbenomet, belegen, mit aller grundt, droge unde nath, mit alle eren tho- behoringen, bewegelick unde unbewegelick, mit allem buwete, steenwerke unde holtwerke, erdvast unde nagelvast, mit allen ackeren, hoffsteden unde wurden, gebuwet unde un- gebuwet, wysschen, weyden, holten, holtingen, hart unde week, kolyngen, busschen, broeken, moeren, dyken, dammen, wateren, waterstouwingen, thoffoten unde afflo- ten, wegen, inwegen unde uthwegen, mit allen lansten unde inwonern, denste, denstgelde, broeke, hure, pacht, rente, mast, jacht, nutt, upkomen, anvallen unde mit allen vysschen unde vysscherien, alse de alle samptliken unde besunderen in alle eren veltmarken, enden unde scheden belegen sint, mit allem rechte unde gerichte, hogesten, middelsten unde sydesten, in hals unde in handt, mit dem rockhone, mit aller herlicheit, vrygheit unde rechticheit unde mit allem egendome so qwit unde frygh, alse unse vor- varen unde vorelderen vore, unde wy unde unse erven na, desse gantzen hoff unde dorpere Swynekule unde Sebelin alle mit alle eren thobehoringen, benomed effte unbenomed, je vrygest gehadt hebben ifte hebben mochten nichtes utgenomen, ane twe mark unde dre schillinge lubesscher penninge jarlyker ewiger renthe, de de kerckhere thor tydt tho Sarow in ener hoven landes uppe dem velde tho Sebelin erbenomet belegen jar- lykes hefft. Desser gantzen hoves unde dorpere mit alle eren thobehoringen vorgerort, samptliken unde besunderen, scholen unde willen wy Abele, Gotzick unde Ernst erbe nomet unde alle unse erven den erbenomeden geistliken vederen unde heren, dem Prior unde dem gantzen Convente des closters thor Arnsboken jegenwardich unde thokamende qwyt unde vrygh rechte warende wesen, beschermen unde entfrien en de van aller an- sprake unde bewernisse enes jewelken, de vor rechte kamen wille, de sy geistlick edder werlick, so vaken en des wert tho donde. Also hebbe wy Abele unde Gotsyck unde Ernst erbenomet vor uns unde unse erbenomede dochter unde suster Iden, unde vor alle unsen erven, frunde unde nakomelinge unde vor alsweme dessesulven gantzen hoff unde dorpere Swynekule unde Sebelin mit alle eren vorgerorden thobehoringen, mit dem leheene, weddeschatte unde egendome dem ergenomeden geistliken vadere unde heren, hern Nicolavesse Priori tho siner unde sines erbenomeden closters tor Arnsboken behoeff, vor dem erbenomeden, unsem ' gnedigen heren koninck Christiern unde syneme raede deger unde alle averantwordet unde vorlaten, averantworden unde vorlaten en de alle jegenwardich in krafft desses unses breves. Unde hebben dergelik furder densulven geistliken vadere unde heren, hern Nicolavesse Priori, tho syner unde synes erbeno meden closters thor Arnsboken behoeff, gevoret unde gesettet in de brucklyken, row- lyken, hebbenden were alle dessersulven hoves unde dorpere Swynekule unde Sebelin mit alle eren vorgerorden thobehoringen, tho ewygen thokamenden tyden by dem kloster

115

thor Arnsboken erbenomed tho blyvende, unde ock furder dar mede tho doende unde tho latente, alse ene dat allerbequemest ist, uns Abelen, Godzyke, Ernste unde Iden erbenomed, alle unsen erven, (runden unde nakomelingen ifle jemande anders van unser wegen mit alle nichtes dar ane tho beholdende. Alle desse vorschreven stucke unde artikele, samptlyken unde besundern, loven wy Abele, nalaten wedewe, unde Gotzyck unde Ernst brodere, sones seeligen Eggerd Muggels erbenomed, vor uns, unse dochter unde suster Iden vorschreven, unse erven, frunde unde nakomelinge, mit unsen na- schrevenen medeloveren, unde wy Otto unde Ernst, geheten Muggele, brodere des erbenomeden Eggert Muggelss, Luder Rumor, tho Walstorppe wanhaftich, uhde Jurges Crummedyke, Claweses sone, ychteswanne wanaftich thom Crummedyke, knapen, be kennen unde betugen apenbare in dessem sulven breve vor alswem, dat wy alle vor- geschreven stucke mit vryem willen medegehandelt, bevulbordet unde vullentagen hebben, loven unde seggen vor uns unde unse erven, vor unde mit densulven vrouwen Abele, Gotzike, Ernste unde Iden unde eren erven, mit sameder handt unde eyn islick van uns vor uns alle, den vakennomeden weidigen geistliken vederen unde heren, hern Nicolawesse Priori unde deme gantzen Convente des closters thor Arnsboken, jegenwardich unde thokamende, tho erer unde tho dessulven eres closters behoff unde tho erer truwen hand den witlyken hebberen desses breves mit erem willen, geistlick edder werlik, in guden truwen unde geloven stede, vaste unde unvorbraken wol tho holdende, alle arti cule unde stucke in aller wyse, so vorschreven is, ane alle behelpinge geistlikes edder werlykes rechtes, unde sunder alle argelist. Tho groterer tuchenisse unde vorwaringe hebben wy Abele, Gotzick unde Ernst, unde wy medelovere, alle vorbenomed, unse Ingesegele witliken hengen laten an dessen breff, de geven is na Gades bort veer- theynhundert jar dar na in deme negen unde sostigesten jare in Sunte Gregorius Avende.