«XXIV.

Herzog Adolf verkauft sein Dorf Nettelzee dem Kloster. 2.?. Jan. 4457.

Alff, van Godes Gnaden Hertoge to Slecßwyck, Greve to Holsten, Stormarn unde Schouwenburgh, bekennen unde betugen openbare in dessem unsem Breve vor alß- wem, bat wy mit srygem Willen, wolberadens Modes unde na Rade unßer getruwen Radgewere, rechte unde redeliken Hebben vorkoft, uppe laten unde vorlaten, vorkopen, uplaten unde vorlaten jegenwardigen in Craft dessessulven Breves dem erbaren gheist- liken Herrn Johanne Proveste, Vor Katherinen van Siggeme, Prioren, unde dem gantßen Convente des Closters to Poretze, sunte Benedictuß Ordens, jegenwardich unde tokomende an unßem Lande to Holsten, des Stichtes to Lubeke belegen, vor twelff- hundert lubessche Mark Penninghe, de se uns an gudem Golde unde grovem Sulver- gelde, to Lubeke genge unde geve, to unser Roge wol getellet unde betalet Hebben, de wy vort in unnße, unnßer Erven unde unnßer Nakomelmge Nuth gekeret unde ute- geven Hebben, unnße Dorp Nettelzee, am Kerspele to Poretze, des Stichtes to Lubeke belegen, mit sinen tween Szeen, alse den Holtzee mit dreen Togen, den Nettelzee gans mit twen Dyken, dar to belegen, unde mit allen sinen Tobehoringen, bewegelick unde unbewegelick, mit aller Grund, droge unde nath, mit allen Ackern, gebuwet unde un- gebuwet, Wisschen, Weyden, Holten, Holtingen, Busschen, Bröken, Moren, Watern, Watersvloten, mit allen Lansten, Renthen, Huren, Denste unde Upkomen, mit aller

3l7

Herlicheit, Frygheit, Rechticheit, mit allem Rechte unde Gerichte, hogest, middelst unde sydest, in Hals unde in Hand, alße wy unde de gestrenge Her Johann van Alevelde, Ritter, unde sine Vorvaren datsulve Dorpp mit sinen Tobehoringen, benomet unde un- benomet, ye frygest Hebben gehst ifte mochten Hebben, nichtes buten bescheden, uthge- nomen mene Landwere unde wes dat mene Land deit. Desßes vorbenomeden Dorppes Nettelzee mit alle sinen vorgeroreden Tobehoringen scholen de ergescreven Here Provest, Priore unde gantße Convent to Poretze jegenwardich unde tokomende frygh unde um- beworn Hebben unde bruken, gelyk unde in aller Wyse wy unde unße Erven unde Na- komelinge unde Her Johan van Alevelde unde sine Worvarn dessulven Dorppes mit sinen Tobehoringen je frygest gebrütet Hebben. Unde wy Alff, Hertoge to Sleßwyck :c., unße Erven unde Nakomelinge erbenomed scholen unde willen dat' vorgescreven Dorpp mit alle sinen vorgescreven Tobehoringen dem erbenomeden Hern Proveste, Prioren unde gantzen Convente to Poretze jegenwardich unde tokomende rechte warende weßen, beschermen unde entfrygen en de van aller Ansprake enes jewelken, de vor Recht ko- men Wille, he sy geistlik edder werlik. Also setten unde voren wy Alff, Hertoge to Sleßwyck erbenomed, vor unß, unße Erven unde Nakomelinge, den vorgenomeden Hern Provest, Prioren unde gantzen Convent des Closters to Poretze jegenwardich unde tokomende mit despem unsßem Breve in de Were unde vredesame Besittinge des vor- screven Dorppes Nettelzee unde aller siner Tobehoringe, dat qwyt unde frygh to heb- bende, to besittende, to brukende unde to vorandernde, alße en dat behaget, ane jeman des Wedderstal ifte Hinder. Jodoch Hebben wy de Macht beholden, dat wy, unnße Erven unde unnße Nakomelinge alle Jar in den achte Dagen sunte Mertens, wanne uns dat bcqweme is, dat vorbenomede Dorpp Nettelzee mit alle sinen Tobehoringen, vorgerort, vor de vorscreven twelff hundert lubesche Mark Penninge wedder loßen mö gen. Unde man wy, unnße Erven unde unnße Nakomelinge dat so wedderkopen unde loßen willen, dat scholen unde willen wy, unnße Erven unde Nakomelinge dem erge screven Hern Proveste, Prioren unde gantzen Convente to Poretze en gantz Jar to vorne in den achte Dagen sunte Mertenß mit unßem openen vorsegelden Breve witliken Vorkundigen. Tom negesten sunte Mertensdage edder in den achte Dagen sunte Mer tenß, na der Workundinge erst volgende, scholen unde willen wy, unnße Erven ifte unße Nakomelinge dem vorscreven Hern Proveste, Prioren unde gantßen Convente to Poretze sodanne twelff hundert lubesche Mark Penninge in dem vorgeroreden Pagmente in enem Summen bynnen dem Kyle edder in ener andern sekcrn Stede am Lande to Holsten, dar en Mick Geld unentferet blive, gudliken wedder laten entrichten sunder alle Argelist. Alle desse vorscreven Stucke, samptliken unde besundcrn, loven wy Alff, Hertoge to Sleswick, Greve to Holsten :c., erbenomed, vor uns, vor unnße Erven unde vor unnße Nakomelinge dem vorbenomeden Hern Johanne Proveste, Vor Käthe

318

rinen Priorn unde dem gantzen Convente des Closters to Poretze jegenwardich unde to- komende in guden Trumen stede, vast unde unvorbroken wol to holdende sunder alle Argh, unde Hebben des to groterer Witlicheit unde Vorwaringe unnße Jngeftgel witli- ken laten hengen nedden an desßen Breeff. Gegeven unde screven na Godes Bort veer- teinhundert am sovenundeveftigesten Jare, am Avende o«nver«i«nis sunt« ?su1i.

Verschreibung des Conventes zu Poretze an die Klosterschwester Tale Swawe auf 200 Mark. 11. Nov. 1468.

Witlik sy allen seligen Christenen-Mynschen, de dessen Breff zeen edder hören lesen, dat wy Her Johan Bruncbard, forstender des Closters to Porehe, Vor Mibe Priore unde de gaiche Conventus des Closters to Poretzee Hebben entfangen wol tor Noghe twe hundert Mark lubescher Pennynghe van der erlikcn, unser leven Medesustere, Wor Talen Swaves, de wy degher unde al an de Ghudere ghekofft Hebben des stren gen Ritters Her Joachim Breyden, uns alle Jar to betalende an den achte Dagen sunte Mertens veerteyn lubcsche Mark Pennynghe to Rente. Unde desulven Gudere, dar de veerteyn lub. Mark Pennynghe Rente scholen van utkomcn, synt by Namen be- nomet an dcme Hovetbreve, den uns de vorbenomed Her Joachim Breyde, syne Erven unde syne Medelovere dar uv ghegheven und wol beseghelt myt'eren Jnghescgelen an dysscr Wyze, dat (hcbben) wy alle Jar desse veerteyn Mark Rente lubescher Pennyn ghe de Wile, dat de twe hundert Mark an den Guderen synt des vorbenomeden Her Joachim Breyden, scholen unde willen gheven der erliken Juncvrowen vorbenomed, Wor Talen Swaves, unser leven Medesustcr, de Wile dat se levet up desseme Ertrike, to brukende to erer Nut unde Bchoff. Wer over Sake, dat de vorbenomed Her Joachim Breyde syne Gudere Wolde wedder vryen, also he hefft dar ane beholden de Wedder- kop na Utwisynge Isynes Breves, unde ghcve to samcnde wedder ut 'de twe hundert Mark lub. Pennynge unde veerteyn Mar? lub. Pennynge to Rente: so schal unse Pro- vest, Her Johan Brunebatd' nu yeghenwardich edder syne Nakomelinghe de sulven twe hundert Mark lub. Pennynge wedder koven unde anleggen an andere wisse Gudere, wor em dat aller erst steden mach uppe redelike Rente, na Rade unser Priorne unde unses gantzen Conventus unde ok na Rade unser Vrundt, se syn ghestlik edder werlik. Unde allent, wat desulven twe hundert Mark mögen redeliken rcnten, Yd sy luttik ed der vele, Hoger edder syder, de Rente schal al sameliken komen an de erliken Junc vrowen vorbenomed, Vor Talen Swaves, unser leven Medesuster, to erer Brukinge to

.319

der Tyd eres Levendes. Unde so schole wy unde willen, unde alle unse Nakomelinge, desse vorbenomeden twe hundert Mark lud. Pcnnynge nenerleye Wis vorbringen noch an dat Buwete unses Godeshus keren noch to vorlonende unsen Arbeydestluden edder an Schult unses Godeshus to betalende edder van ander aller Noet wegen utgheven, wen se scholen ewich bliven by unseme Consent. Unde man Vor Tale Swaves vor- storven is, so scholen de Rente van dessen twen hundert Marken lud. Pennynge al un de degher na volgendes erstes Jares dersulven Vor Talen Swaves to eren Schulden to betalende unde to erer Bygrafft unde ere Sele Salichcit to bestellende unde to schickende, unde darna so scholen de twe hundert Mark myt erer Rente ewich bliven by unseme Consent an sodaner Wyze, dat, na Belevynge unde Willen dersulven Bor Talen Swaves, van besser jarliken Rente der twier hundert Mark (de Priore) alle Jar schal kopen deme Convente to twen Tyden des Jares en Werdendcl gudes Medes over al to delende, alse an des Hilgen Kerstes Avende en gud Verdendel Medes, unde des ghelyk an Pasche Avende ok en gud Verdendel Medes. Unde wes dar denne en boven is van dersulven Rente der twier hundert Mark, schal de Priore, na Rade unde na Wulbord des gantzen Conventes, to twen Tyden, also yegen den Adventum Christi unde jeghen de Wasten, kopen wes denne deme gantzen mene Convente aller nuttes dunket. Hyr vor desse twe hundert Mark unde ere Rente so schole wi nnde willen alle Jare Hebben, to ener Tyd sn deme Jare man Prion wil, unse gantze Conventus ene Memorien myt Wigilien unde Selemissen holden der erbenomeden Vor Talen Swa ves erer Sele to Hulpe unde to Tröste, unde ok mede vor eres Vaders, Moder, Bro kers unde Sustere Selen. Alle desse vorscreven Stucke love wi Her Johan Brunebard vorbenomcd, Vor Wibe Priore unde unse gantze Conventus, unde vor alle unse Na komelinge, stede unde vast to holdende sunder alle Arghelyst und alle Hulperede. Des to hogher Tuchnisse unde Witlicheit, so hebbe wy witliken unde myt gudem Willen unde wolberaden Mode unser Provestige unde unses Conventus Jngheseghele henghet laten neddene an dessen Breff, de ghegheven unde gescreven is na der Bord unses Heren Jhesu Christi verteynhundert Jar, dar na an deme achtundeveftighesten Jare, an sunte Mertens Daghe, des Hilgen Bysschopes.