Wi Hinrik van Godes gnade greue thû Holtzsten vnde thû Stormern, vnde olde Marquard van Stoue knape. Betughen vnde bekennen || openbarliken in desser ieghenwardighen scrift, dat wi vm alle de schelinge vnde twidracht, de van desseme orlighe vpstan is twischen || dem edelen vorsten, hern Magnus koninge thû Sweden vnde thu Norweghene, vnde sinen helperen af ener side, vnde den steden Lube¡¡ke, Hamborch, Wysmer, Rozstok, Sund, Gripeswold vnde eren helpe ren af ander side, sin ghebleuen vnde ghegan vp de edele heren, greuen Gunthere van Swarzeburch vnde Albrechte heren van Mekelenborch: so wath se im b¡ eren edén dar vmme spreken an minne of an rechte, na claghe vnde na antworde, de si in beyden siden dessen vorbenomeden heren vp antworden scolen in der stad thû Rozstok in sente Nicolaus daghe, de nu neghest kumt; vnd dar selues scolen se des warden mit voller macht, vnd des se ok dar selues scolen ene entschedinge

dun in deme daghe Epyfanie Domini, de dar neghest kumt, aise breue thû spre- ken, de dar vp ghemaket sint; dat seal de koning van Sweden vorbenomet stede vnde vast holden vnd seal dat vorwissenen, wo vnde wenne em de vorbenomeden van Swartzeburch vnde de van Mekelenborch dat heten to vorwissenen. Dat loue wi in trûwen in dessem breue. Vnde wen he dat alsus vorwissent* heft, so si wi ledich vnde los. Dat betughe wi vnder vnsen ingheseghelen, de an dessen bref ghehenget sint, na Godes bord dusend drehundert in deme twe vnde vertighesten ¡are, des Sondaghes na sente Dyonisius daghe.

Nach dem Originale, auf der Trete, mit anhangenden beiden wohl erhaltenen Siegeln.