Wir Leupolt von gots gnaden Hertzog ze Osterrich ze Steyr ze kernden vnd ze krain Graue ze Tyrol et«. Tun kunt um die dritthalb fuder weingelts vnd ander wingelt korngelt, vnd auch klain zehent So in dem Ban begriffen ist vnsers Dorffes Hirsow gelegen bey Rotemburg die vnserm lieben getrewen dem alten Marquarten von Am von den von Hohen berg versetzt wurden, als die Satzbrief lautaten die er von In darumb hat vnd denselben Satz vnd phantschaft der edel vnser lieber Oheim Graf Rudolph von Hohemberg Haubtman daselbs mit vnserm willen vnd gunst an sich erlediget vnd erloset hat vmb vier hundert vnd achzig Reynischer guldein vnd Sechzig phunt Haller darumb Sy des vorgcnant von Aw phant waren nach der vorgenant phantbrief sag vnd dieselben Satzbrief er Im heraus zu vnsern handcn vnd gemalt geantwürt hat, vnd man aber im dieselben brief tod vnd vnnütz scyn füllen, darumb so haben Wir dem obgenant Graf Rudolffen von Hohemberg vnd seinen erben die vorgenant dritthalb fuder wein gelts und ander min korn Höm vnd klain zehent in dem egenant Bann des dorffes Hirso« mit aller zugehorungen vmb die obgenant vierhundert vnd achtzig guldein vnd Sechtzig phunt Haller versetzt vnd verschriben versetzen vnd verschreiben auch wis sentlich mit dem brief in solicher mass, daz Sy die in «ins rechten wernden phants wis an allen abslag der nütz innehaben vnd messen süllen als lang vntz daz Wir vnser Prüder oder vnser erben dieselben phantschaft von In mit dem obgenant gelt erledigen vnd erlosen, derselben losung Sy vns auch stat tun füllen vnd der gehorsam fein an all Widerrede vnd verzieh«, wenn Wir des begcrn Sy füllen auch denselben Satz vnwustlich innhaben vnd sich von den Litten derselben guter der gewondlichen dinst zins vnd gult als das von alter her komen ist, bemügen lassen vnd die nicht verrer dringen noch besweren in dhein wis vn- geuerlich. Mit vrkunt ditz briefs. Geben ze Ensisheim an Montag nach dm Palmtag Nach kristi gepurde dreutzehenhundert Jar vnd darnach in dem Newn vnd Nemntzigisten Jare.

B. d. Orig. im St.-Archiv zu Stuttgart.

— 793 —