LV. Hechte des schweidnitzer Schuster- und Gerberhandwerks vom 19. Juli 1387. 1. Schweidnitzer Handwerkerstatuten f. 7. 2. Unvollständig im ältesten schweidnitzer Stadtlmch f. 12v° und 13. Hier nach den Statuten. TT ir ratleuthe der stat Sweydenicz desis keginwortigen iaris Hancko Jenczsch, Junge hannos, Johannes Hannemann, Schulemeyster, Hannos Herdan, Paulus Molstein vnde Han aus Hanneman, Niczsche Hannemans son, wir bekennen das wir mit rate der eldisten vnde hantvvergmeystern sulche gnade vnd recht den schuworteu vnde gerbern gegebin haben: 1. Czum ersten, das czeyl, do man das rohe ledir veyl sal haben, das dy rogerber an gehoret, sal syn von dem borne uf dem marekte bis an den mittiln styg vnde an das ge- rynne; wer andirswo vorkoufte, dem sullen is dy schuwortmeyster nemen vnd sullen is antworten den ratmannyn uf das rothus. 2. Dornoch eyn yder schuwort sal czu bencken stehen uf syner bang vnde nicht uf eyner fremden bang, noch ruczscheuolen uf den selbin bencken, vnde eyn yder man mag wol eyn par schue ader czwey hengin vor eynen andern kumpan vnde nicht me vnde sal dobey nicht stehen vnde veyl haben, vnde wer do lernet eynen schuknecht, der sal von ym nemen czu lone czwu marg grosser vnde nicht mynner, vnde czwene sullen nicht koüffen vs eymem bwtil vnde czwospannen, vnde dy gesellen uff dem hantwerg sullen nicht mit enan- S~ 80 der spelen, vnde eyn ydirman sal virczeen par stephila ustrayu, czeen par langer frawen schü vnd czeen par nedir schu, adir kinder schw mag her vil habin, wy vil her wil. Ouch mit der rotmanne rot sullen sy dy storer suchin vnde dy nicht mit rechte schw machin, vnde sullen dy vortreybin, das sy en nicht schaden. 3. Ouch sal eyn iderman czu dem leychczeychin komen, dy weyle dy leyche vnde das leychczeychin keginwortig ist, wer nicht kummet, der ist der busse bestanden. 4. Ouch welch schuwort schu hot, dynicht gar sint, der sal gebinvon eynem parsteueln eynen groschin, von eynem par frauwen schwe eynen halbin groschin, von eynem cleyneu par schu drey heller, vnde wenne man dy gebrechin suchin wil, so sal man do bey haben der stat dyner vnde boten, vnde allis, das man czu kore gebit, das sal geuallen der stat czwey teyl vnd den meystern das dritte teyl; were abir das sich ymant do wedir seczste; wer des mit hanthaftiger tat wurde begriffen, do sal nicht gnade czu gehoren; queme her abir weg, der sal nymmer czur stad wedir komen. Were is abir mit worten alleyne, der sal sich berichten noch gnaden beyde keyn der stad vnde ouch kegin den meystern. 5. Dornoch welchir wandilbare schu hot, der sal sy noch der kore uymme veyl haben. Vnde alle andir alde geseczcze, wy dy in der stat buche stehen, dy sal man stete vnde gancz halden. Gegebin am freytage vor sante Marie Magdalene tage noch Cristi gebort driczenhundirt iar vnde dornoch in dem sebin vnde achtczegisten iare, vnde czu der czeyt sint schuwort- meyster gewest Petsche Schefer vnde Hannos Fawllebrucke vnde ere scheppf hin Heyncke Fedeler, Heyne Rorecht, Otto Hering, Nitsche Guldener, Hans Milde, Nitsche Styner vnd Nitsche Stelin.