Ich Johannes /.w den tzeiten pfarrer zw Höritz bekenn vnnd vergich offenwar allen leydenn, dy den brieff lesen oder hören lesen, das ich mit wolbedachten muet vnnd mit erberen leyden das hawss, das ich von den geistlichen heren abt vnnd der samlum des klösters zw Hohenfuert mit aller herschafft ledicklich verkaufft hah, den erberen leiden Jackel dem Ledrar vnnd Katherina seiner haus- frawen erben vnnd nachkemen redlich vnnd rechtlich als puergtz- recht ist verkaufft hab alzo beschaynlich, das der obgenant Jackel vnd sein hawsfraw vnnd nachkömen, dy das hawss besitzen weren, ewicklich al jar acht gr. Prager de. fuer heren dienst mir ?nnd mei nen nachkomen pfarrer zw Höritz geben vnnd rayhen sol. Vnd was acker vnd wisen zw dem obgenanten hawss iemals haben gehördt, das hab ich dürich notturfftikayt vnd nütz meiner kirchen mir vnnd meinen nachkömen behalten. Vnd wer den brieff haben wiert, der sol alles recht auff dem obgenanten hawss haben als der Jackel, dem diser brieff geschrieben stet. Vnd mit vrkunt ditz brieff, den ich zw einer sichcrhait versigelt hab mit meinem anhangenden insigel. Vnd zw einer grosseren tzeugnuss haben wir Hostislaum pfarrer vnd dechant zw Krümnuw vnnd Joannes pfarrer zw Gayaw nach gebet des obgenanten her Hansen pfarrer zw Höritz disen brieff versigelt mit vnnsern anhangenden insigln. Der geben ist zu Krümnaw des jars da man tzalt Christi gepuert treytzehenhundert jar vnnd in dem andern vnnd achgsgisten jar an sant Katherina abent.

Nach einer Abschrift.. die dem 16. Jahrhunderte angehört.

189