In deme namen der heiligenn vngesunderten driualdikeit, in eyne gedriete almechtige wisheit des vaters, des sons, des heiligen geistes. Wanne alle ding desir werlde vorgenclichen syn vnd henslichende noch deme louffte der henflissenden wasser vornicht vnd vortirbet, alzo das gewant das vorczert wirt von den wormelin der melyn, so ist is not, das man immerwarnde sachen festene vnd stercke mit kunt- schafft guter luthe vnd mit schrifften briflicher gedechtenisse. Hirvmme wir Heinrich von gotis gnaden des heiligenn Romisschen richs burcgraue czu Missin vnd graue czum Hartenstein bekennen vnde thun kunt — das wir — durch sunderlicher gunst vnd dinste wille, die vns gethan haben, gethun sullen konnen vnd mogenn inczu- kumftigen cziten der erenwirdige vnd der erbere er Stephan Moir tumherre czu Missin vnd er Niclas Rasschewicz spittelmeister czu Missin, geeigent haben — vnd eygen mit craft dis brifs vier schok grasschen vnd sechsvndrisig grasschen ewiges czinses guter Friberisscher muncze vnd czwelftehalb hun, vnd dry schok eyger vnd funfczig eyger gelegen in deme dorffe Ockrul in dem Heynisschen gerichte, die do czinsen sullen die ernochgeschreben ierlichen, vnd alle ere nachkomelinge von

361

czwelftehalber hufen landis vnd uf sulche tageczit, alzo hirnoch geschreben stet, von iczlicher hufen ierlichenn alle iar viervndeczwenczig grasschen, czwelf grasschen uf sante Walpurgen tag vnd czwenczig eyger vnd czwelf grasschen vf sante Mertins tag vnd eyn hun, vnd die genanten czinsen sullen geben ierlichen die ernochgeschre- ben adir alle ir nochkomelinge an sulche stete, alzo hirnoch geschreben stet: Hannus Mathei von anderhalben hufen achczen grasschen vnd drisig eyger uf sante Wal- purgen tag vnd achczen grasschen vnd anderhalb hun uf sante Mertins tag; Hannus Kruspthar von czwen hufen virvndczwenczig grasschen vnd virczig eyger uf sante Walpurgen tag vnd virvndczwenczig grasschen vnd czwei huner uf sante Mertins tag; Hannus Loser von czwen hufen virvndczwenczig grasschen vnd virczig eiger uf sante Walpurgen tag vnd virvndczwenczig grasschen vnd czwei huner uf sante Mer- tins tag; Andreas Snyder von czwen hufen virvndczwenezig grasschen vnd virczig cyger uf sante Walpurgen tag, virvndczwenczig grasschen vnd czwei huner uf sante Mertins tag; Mertin Mirischs von eynir hufen czwelf grasschen vnd czwenczig eyger uf sante Walpurgen tag vnd czwelf grasschen vnd eyn hun uf sante Mertins tag; Lorencz Arnold von eynir hufen czwelf grasschen vnd czwenczig eyger uf sante Walpurgen tag vnd czwelf grasschen vnd eyn hun uf sante Mertins tag. Die vor- genante czinse eygen vnd geben wir — deme erwirdigen vnd vorgenanten er Stephan Moir tumherren czu Missin vnd er Niclas Rasschewicz spittelmeistcr do selbis vnd eren selewarten, czum ersten czwei schok vnd sechtehalb hun, eyn vnd fumfczig eyger czu der phrunde, die do hat der megenante er Stephan Moyr in der kirchen czu Missin, vnd fumfczen grasschen deme probiste, welcher der ist czu deme heiligen cruce czu Missin czu eynir wedirstatunge, alzo das der selbige probist alle iar ier- lichen mit siner fure vnd mit siner czerunge inlesen vnd sameln sal czwei malder getreides, eyn malder korns vnd eyn malder hafern Missenichs mos in den dorffernn czu Adilstorff, Molbach, Quericz, Bruckewicz vnd Volbar"), gelegen bie deme Haine, vnd sal das selbige getreide furen vnd antwerten kegen Missin deme scheffer des capitels, wer der ist; von deme getreide man dynen sal czu chore czu begen das labelich fest von der dornen crone vnsirrs herre Jhesu Cristi. Dornoch eygen wir * vnd geben eyn schok grasschen czu eynem ierlichen selgerethe vnd czu eynem iar- tage, den man ierlichen begen sal in der kirchen czu Missin, den tumhern sechs- vndrisig grasschen czu presencien, den vicarien viervndczwenczig grasschen die vigilie vnd messe lesenn in deme iartage czu troste vnd czu selikeit deme genanten ern Niclaus Rasschewicz syner selen vnd allir syner eldernn, vnd eyn schok vnd eyn- vndczwenczig grasschen, dorvmmbe man sal kouffen eyn grau tuch ierlichenn vnd do mitte cleiden fumf arme luthe in deme spittal czu Missin eyn iar, das ander iar die andernn fumf arme Iuthe do selbist in deme spittal, vnd czwey schok eyger vnd sechs huner, vnd das genante gelt czu deme selgerete vnd iartage vnd czu deme gewande mit den obleyenn sal innemen ouch eyn scheffer des cappittels vor syne erbeit dry huner eyn schok eyger, vnd sal dri huner vnd eyn schok eyger mit deme tuche geben vnd reichen an deme tage, alzo man begen wirt die iargeczit des offte- genanten ern Niclaus Rasschewicz vnd syner eldern an sulche stete, alzo obin-

11) Vgl. No. 777.

COD. DIPL. UX, II. 2.

4(5

362

geschreben stet. Vnd wir obgenanter Heinrich burcgraue czu Missin vnd graue czum Hartenstein eygen vnd geben die vorgenanten czinse an die vorgeschrebenn stete mit allen eren nuczczen vnd wirden, mit erbgerichten friheiten vnd gewonheiten, alzo eygens recht vnd gewonheit ist —. Des czu orkunde vnd warem bekentnisse habe wir — vnserr ingesigcl mit gutem willen vnd wissenn an desen kegenwortigen brif lassen hengen, der gcgeben ist noch gotis geburt virczenhundert iar, dornoch in deme czenden iare an sante Donatis tage des heiligen bisschoffs vnd merterers.

Nach dem Orig. im Stiftsarchiv zu Meissen wie No. 812.