Wir Friderich vnd Sigemund gebruder von gots gnadin herczogin zu Sachsin, — bekennen —. Als die ersamen burgermeister ratmann vnd gantze gemeyne vnser stadt Lipczk mit den ersamen burgermeistern ratmanne vnd den gantzen gemeynen vnser stete Jhene vnd Nuwestat vnser libin getruwin sich gein den ersamen Hannse Milwicz burger zu Erffurt, Annen siner elichin wirtynne, Hannse vnd Jacoffe oren beiden sonen zu iren vir libin vor achczig Rinische guldin ierlicher czinse vor achtehalbhundert guldin houbtgeldis also selbschuldigen vorschrebin habin, als beken nen wir vorgnantir Friderich vnd Sigemund gebrudir herczogin zu Sachsin, das sie das von vnsers geheißiß wegin gethan habin vnd das wir solliche achtehalbhundert guldin von den gnantin Hannse Milwicze, Annen siner eliche wirtynne, Hause vnd Jacoffe oren beiden sonen selbir genomen vnd die an vnser herschafft nutcz vnd fromen gekart vnd gewant habin. Vnd wir Friderich vnd Sigemund gebrudir her czogin zu Sachsen obgnant geredin vnd gelobin —, das wir vnser burgermeister ratmann vnd die gantze gemeyne vnser Stadt Lipczk vnd alle ire nachkomen solli- chir obgeschribin czinse — an allin oren schadin gutlichin benemen entedigin vnd sie der vortretin wollin an allis geuerde. Des zu bekentnisse habin wir herczoge Fri derich vnser iugesigel vor vns, hern Sigemund vnsern bruder vnd vnser erbin wis- sentlichin an diessin offinbriue lassin hengin. Gegebin zu Lipczk nach Cristi geburt virczenhundert iar darnach im dryvndedrissigisten iare am donnerstage nach Katherine.

Nach dem Orig. im Rathsarchiv zu Leipzig mit dem Siegel des Herzogs an einem Pergamentstreifen.