Ich Sweyker der Schauhinger und mein erben vergehen offenlich mit dem brief umb ain wis gelegen datz Schauhing, di mein swager Go^erg der Pûchla^er sêlig verchauft hat dem erwi^erdigen herren hern Ulreichen probst datz sand Po^elten und seinem convent daselbs umb zwai und dreizzich phund wiennêr phenning, der si in selben bei seinen lebtêgen achtzehen phund verricht habent, als mi^er und andern erbern leuten das wol chund und wizzenlich ist, daz ich die u^ebrigen vi^erzehen phund phenning der si dem egenanten Gorgen meinem swager schuldig worden, von sunder potschaft wegen die mi^er mein swester Giwi^erch desselben Go^ergen des Pûchla^er sêligen witib darumb getan hat‚ ingeno^emen und emphangen han, und sag den vorgnanten hern U^elreichen probst ze sand Po^elten und sein convent an meiner, meiner swester und aller anderr erben stat des vorgnanten gelts ledig und los. Gewunnen aber seu an der vorgnanten wis fu^orwas icht chrieg und ansprach von wem das wêr, so süllen wi^er fu^er seu stën und in das gënzlich ausrichten. Mit urchund des briefs versiglt mit mein vorgnanten Sweikkern des Schawhingêr insigl und mit Ulreichs des Chlingen insigel der der sach zeûg ist mit seinem insigl. Geben an sand Cholmans tag‚ nach Christes gepu^erd dreuzehen hundert jar darnach in dein a^echt und sechzgistem jare.

Source Fulltext: LAMPEL, Urkunden Sanct Pölten (=FRA II, Wien 1901) S.39-40