Ich prueder Johanns von Rumphenhaim zu den zeiten lantcomitewr, ich prueder Gilig zu den zeiten comitewr und die pru^ederschaft gemainchleich des hauses datz dem Dewtschenhaus ze Wienn, vergehen fu^er uns und fu^er all unser nachko^emen und tu^en chunt allen den di den bri^ef lesent oder ho^ernt lesen die nu lebent und hernach chu^emftig sind, daz wi^er mit gu^etem willen mit wolbedachtem mu^et, zu der zeit do wi^er es wol getu^en mochten, recht und redleich verchouft haben unsers rechten aigens acht phunt siben schilling und drei phenning² alles wienner munze geltes gelegen ze Wesendorf in der Wochawe auf bestiftem behaustem gu^et und auf* weingerten* alz* hernach geschriben stet: des ersten auf Albrechts des Vogels haus und weingarten zwelif schilling geltes, auf des Praschen haus und weingarten zwelif Schilling geltes und auf seinem weingarten genant der Wi^ersinch auch zwelif Schilling geltes,³ auf Hainreichs des Pu^erchstaler anderthalben lehen *achzehen schilling geltes,⁴ auf Stephans des Wolfrewter weingarten newn schilling geltes, auf Fridreichs des Rigler weingarten siben schilling geltes ** und auf Chu^enrats des Pekchen haus drei und dreizzich phenning gelts. Die selben acht phunt siben schilling und drei phenning wienner mu^enz geltes haben wi^er verchouft und geben, mit allen den nu^etzen und rechten als wi^er di in aigens gewer herpracht haben, umb newn und sechzigk phunt wienner phenning, der wi^er ganz und gar verricht und gewert sein, den erwi^erdigen geistleichen herren hern Vlreichen dem Veyrtager probst des gotzhaus datz Sand Po^elten und hern Weyganden probst des gotzhaus datz Sand Florian und paiden conventen gemainchleich der selben gotzheuser und allen i^ern nachko^emen fu^erbas ledichlich und freileich ze haben und allen i^ern frumen damit ze schaffen, verchoufen versetzen und geben wem si wellen an allen chrieg und i^errsal; und sein auch wi^er und all unser nachko^emen unverschaidenlich der egenanten acht phunt siben schilling und drei phenning wienner mu^enz geltes i^er recht gewern und scherm fu^er alle ansprach als aigens recht ist und des landes recht ze O^estereich. Wer aber das in an denselben gu^elten mit recht ist abgieng oder ob sie mit recht icht chriegs oder ansprach gewunnen dar an, von wem daz wêr, waz si des schaden nemment, daz schullen wi^er in alles ausrichten ablegen und widercheren an allen i^ern schaden, und schullen auch si daz haben auf uns unverschaidenlich und auf allem unserm gu^et, daz wi^er haben in dem land ze O^esterich oder wo wi^er es haben, daz zu dem vorgenanten unserm haus datz dem Dewtschenhaus geho^ert. Und das der chouf fu^erbas also stet und unzebrochen beleib, daruber so geben wi^er den vorgenanten zwain gotzheusern datz Sand Po^elten und datz Sand Florian den brief ze einem warn u^erchund und zu einer ewigen vestigung der sach versigelten mit mein egenanten prueder Johanns insigel von Rumphenhaim ze den zeiten lantcomitewr und mit des egenanten hauses insigel datz dem Dewtschenhaus ze Wienn. Der bri^ef ist geben ze Wienn, nach Christi gepu^erd dreuzehen hundert jar darnach in dem a^echt und sechzigisten jar, an sand Priscen tag.

Source Fulltext: LAMPEL, Urkunden Sanct Pölten (=FRA II, Wien 1901) S. 6-7