Dem edln und hochgebornen fürsten meinem lieben genadigen herrn herzog Albrechtenn ze Österreich, ze Steir, ze Kernden und ze Krain, graffen ze Tyrol embiet ich Janns von Mainberch vleizzichlich mit trewn meinen dinst. Genediger herr, ich las ew wissen umb zwai drittail manschaft ainer vischwaid auf der Pielach gelegen zwischen Uetenndorf und Volderndorf di Janns der Syrnikcher^a und Gorg der Uettendorfer von mir ze lehen gehabt habent und di auch ich von eu ze lehen gehapt hann, daz ich dieselben zwai tail manschaft der vorgnanten vischwaid verchauft und gegeben han dem erwirdigen herrn herrn Vlreichen dem Veyrtager probst des goczhaus dacz Sannd Pölten, seinem^b convent daselbs und irn nachkomen und send ew die mit dem offenn brief auf zu ewren handen versigelt mit meinem angedruchtem insigel. Geben zu Sand Poelten, an sand Giligen tag, nach Christes gepürd dreuzehen hundert jarr darnach in dem siben und sechzigistem jarr.

Source Fulltext: LAMPEL, Urkunden Sanct Pölten (=FRA I, Wien 1981) S. 702-703