Breslau, Donnerstag, 30. Januar 1455.

Wir Lasslaw . . . bekennen und thuen kundt offembar mit diesem Brieff allen den, die in sehen adir horen lczen: Als denn die ungetrawen Juden und Judynnen wider das heylige Sacrament unsers lieben herren Jhesu Cristi in unser Stat zu Breslaw gehandelt haben, dem heiligen cristenlichen glauben zu smocheit, dorumbe sie auch gelyden haben noch irem vordienen und mit unserem geheisse vortriben seyn; wenn aber unsere lieben getrawen, die Rat manne und die gancze gemeyne unser Stat Breslaw vor uns komen sein und haben uns sulche geschichte gar clegelichen vorbracht und uns diemutiglichen gebeten, das wir sie und unser Stat dorynne vorsorgen und furbas keynen Juden und Judynnen in unser Stat Breslaw ire wonunge nicht gonnen noch gestatten weiden: haben wir angesehen sulche ire redliche bete, und deme Almechtigen gote zu lobe und auch unserm cristenlichen glauben zu ere, so setczen wir und wellen mit wolbedochtem müt und gutem rate von Behemischer kuniglicher macht in crafft disz Briffes, das nu furbasmer keyn Jude adir Judynne in der selben unser Stat Breslaw ire Wonunge adir weszen zu ewigen czeiten nicht haben sullen in kcynerweize, und gebieten dorumbe den genanten Ratmannen und Burgern unser Stat Breslaw, die itzund sein und kunfftiglichen sein wer den, das sie der obgenannten Judischeit ire wonunge in unser egenanten Stat Breslaw zukunfftig nymmermer nicht gonnen noch gestatten sollen zu ewigen czeiten. Mit orkundt diczs Brieffs, vorsigelt mit unserm kuniglichen anhan genden Insigel, gebin zu Breslaw, am Donrstag vor unser liebin frawentag lichtewey, nach Cristi geburt 1455, Unser Reiche des hungerischen etc. im funffczehenden, des Behemischen im anderen Jare.

Ebendaselbst, Orig., K. 8 *. Auszug bei Klose, II, 1, 491—492.

88 [144]